Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

Қазақстанда азық-түлік қауіпсіздігін қамтамасыз етуге 32 млрд теңгеден астам қаржы бөлінеді

Жұма, 20 Наурыз 2020, 11:29:36

ҚР Үкіметінде өткен онлайн-брифинг кезінде ҚР Премьер-Министрінің орынбасары Ералы Тоғжанов қазіргі кезде Қазақстан аумағында COVID-19 таралмауы бойынша қабылданып жатқан шаралар туралы айтып берді. 

Мемлекет басшысы Қ. Тоқаевтың Өкімімен елімізде бір ай мерзімге төтенше жағдай енгізілді. ҚР Премьер-Министрінің жетекшілігімен Төтенше жағдай режимін қамтамасыз ету жөніндегі мемлекеттік комиссия құрылды, оның 3 отырысы өткізілді.

Е. Тоғжанов хабарлағандай, қазіргі кезде Үкімет тәулік бойы жұмыс істейді, нақты шешімдер бір-екі күн ішінде қабылдануда. Қабылданып жатқан шаралардың барлығы тұрғындардың өмірі мен денсаулығын қорғауға бағытталған. 

«Бірінші, кешеден бері Нұр-Сұлтан мен Алматы қалаларының аумағында карантин енгізілді, бұл халықаралық тәжірибеге сай келеді. Біз вируспен “қозғалыс аз болған сайын таралуы да аз” ұранымен күресеміз. Осыған байланысты Нұр-Сұлтан мен Алматы қалаларының аумағына кіріп-шығуды шектеу туралы шешім қабылданды», — деді Премьер-Министрдің орынбасары.

Наурыз айының 22-сі күні сағат 00.00-ден бастап Нұр-Сұлтан және Алматы қалаларымен барлық көлік түрлерінің қатынасы — әуе, темір жол, автобус арқылы адам тасымалы тоқтатылады. 22-іне дейін азаматтарға Нұр-Сұлтан мен Алматы қалаларына еркін келуге немесе кетуге болады.

Екі қаладан шыға берісте медицина қызметкерлерінің кезекшілігімен мобильді бекеттер қойылады, шыққан адамдардың барлығына міндетті түрде сауалнама жүргізіледі. 

Бұл шаралар адамдардың денсаулығына мониторинг жасау және вирустың өңірлерге таралуын болдырмау үшін қабылдануда. 

«Екінші, өндірістік тауарлар сататын және ойын-сауық орталықтары, мәдени, тамақтану және қызмет көрсету орталықтары уақытша жабылды. Мейрамханалар мен дәмханалар үйге жеткізу арқылы жұмыстарын жалғастыра алады. Азық-түлік дүкендері мен дәріханалар бұрынғы тәртібінде жұмыс істейді», — деді Е. Тоғжанов.

Мемлекет басшысының тапсырмасы бойынша мемлекеттік ұйымдардың қызметшілерінің 70%-ы қашықтан қызмет ету тәртібіне өтті.

Нұр-Сұлтан мен Алматы қалаларының мекемелеріне меншік түріне қарамастан барлық жұмысты қашықтан істеуге ауыстыру ұсынылды.

«Қашықтан жұмыс істейтін азаматтардан қажеттілік болмаса, үйден шықпауларын сұраймыз. Атап айтайын, бұл шектеу шаралары тек Нұр-Сұлтан мен Алматы қалаларында қойылған», — деді ол. 

Үшінші, барлық өңірлерде аялдамаларды, қоғамдық көлікті, көшелер мен басқа да әлеуметтік маңызы бар нысандарды санитариялық өңдеу, зарарсыздандыру бойынша шаралар күшейтілетін болады. 

Төртінші, 16 наурыздан 6 сәуір аралығында барлық мектеп оқушыларын каникулға жіберу туралы шешім қабылданды, барлық колледждер мен ЖОО-лар қашықтан оқытуға көшірілді. 

«Нұр-Сұлтан және Алматы қалаларының барлық мектепке дейінгі ұйымдары карантин кезеңіне уақытша жабылды, ал басқа өңірлерде штаттық режимде жұмыс істейді (бүгінде еліміз бойынша балалардың 28%-ы балабақшаға барады)», — деді Е. Тоғжанов.

Премьер-Министрдің орынбасары елімізде азық-түлік қоры мен дәрі-дәрмектердің көлемі жеткілікті екенін айтты. 

«Бесінші, азық-түлік пен бірінші қажеттіліктегі тауарларды үздіксіз жеткізу жүзеге асырылатынына сендіргім келеді. Үкімет, өңірлер әкімдіктері азық-түлік қауіпсіздігін қамтамасыз ету және тұрақтандыру қорларын толықтыру үшін 32 млрд теңгеден аса қаражат бөлінеді. Бизнес субъектілеріне мынаны айтқым келеді, біз бағаның, әсіресе, тұрғындар үшін бірінші қажеттіліктегі өнімдерге негізсіз өсуіне жол бермейміз. Тиісті мемлекеттік органдар бағаның өзгеруіне қатаң мониторинг жүргізетін болады, ал алыпсатарлық фактісі анықталған жағдайда қатаң санкция қолданылады», — деді вице-премьер.

Алтыншы, төтенше жағдай режимінде құқықтық тәртіпті бұзуға жол бермеудің маңызы зор.

Сондықтан ішкі істер органдары қоғамдық тәртіпті сақтау мен азаматтардың қауіпсіздігін қамтамасыз ету бойынша бақылауды күшейтілген режимде жүргізетін болады. 

Жетінші, кәсіпкерлікті қолдау мақсатында ШОБ-тың жекелеген санаттары (СОСО, кинотеатрлар, көрмелер) үшін бірқатар салықтық ынталандырулар әзірленді: мүлік салығынан уақытша босату, салық берешегі бойынша өсімпұлды тоқтата тұру.

«Сондай-ақ жыл соңына дейін жалпы белгіленген тәртіпте жұмыс істейтін кәсіпкерлерді 10% жеке табыс салығынан (70 мыңға жуық кәсіпкер) босату ұсынылады. Барлық осы шаралар қаржылық жағдайы нашарлаған бизнесті қолдауға мүмкіндік береді», — деді Е. Тоғжанов.

Сегізінші, Елбасының халыққа арнаған үндеуіне сәйкес Үкімет қызметкерлердің еңбек құқықтарын сақтауға ерекше назар аударатын болады. Қазіргі жағдайда жұмыс орындарын сақтауды қамтамасыз ету ғана емес, сондай-ақ 431 мың жаңа жұмыс орнын ашу міндеті тұр.

Осыған байланысты Үкімет Жұмыспен қамтудың жол картасын әзірледі, оны іске асыруға 300 млрд теңге қарастырылатын болады.

Бағдарлама жұмыспен қамтамасыз етуге, сонымен қатар өңірлердегі неғұрлым өзекті инфрақұрылымдық мәселелерді шешуге мүмкіндік береді, атап айтсақ: әлеуметтік, тұрғын үй-коммуналдық нысандарды қайта жаңарту және жөндеу. 

«Кәсіпорындардың басшылығына, бизнес қоғамдастыққа қызметкерлердің еңбек құқықтарының сақталуын және оларды қысқартуға жол бермеуді қамтамасыз ете отырып, әлеуметтік салдарды азайту бойынша барлық шараларды қабылдауды ұсынамын», — деді ол. 

Тоғызыншы, халық арасында медициналық маскалардың тапшылығы мәселесі қызу талқыланып жатыр.

Е. Тоғжанов Үкімет басшылығы күн сайын отандық өндірушілердің өндіріс көлемін арттыру мәселесі бойынша жұмыс істеп жатқанын айтты.

«Егер бүгінде елімізде күн сайын 360 мың маска өндірілсе, оның 171 мыңы көп рет пайдалануға арналған, жақын арада олардың санын 1 млн-ға дейін арттыру міндеті тұр», — деп хабарлады Премьер-Министрдің орынбасары.

Оныншы, шетелде жүрген 5 мыңнан астам қазақстандық туристерді қайтаруды қамтамасыз ету қажет.

«Бүкіл әлем бойынша рейстердің ауқымды қысқаруы жағдайында оларды чартерлік рейстермен елге қайтару бойынша теңдессіз шаралар қабылданып жатыр. Осы жылдың 23 наурызына дейін 4 мыңнан астам қазақстандық туристті елге қайтару бойынша 18 рейс жоспарланған (қалғандары кейінірек жеткізіледі)», — деді Е. Тоғжанов.

Айта кету керек, белгілі бір қиындықтарға қарамастан, мемлекет қазақстандықтарды әлеуметтік қамтамасыз ету бойынша барлық міндеттемелерді орындайды.

«Біз сіздерді мемлекет қабылдап жатқан шараларға түсіністікпен және қолдаумен қарауға шақырамыз. Құқық қорғау органдарының, медиктердің және санитарлық-эпидемиологиялық қызметтердің жұмысына түсіністік танытуды және жәрдем көрсетуді сұраймын. Мұның бәрі ортақ игілік, жақындарымыздың амандығы және елімізде әлеуметтік тұрақтылықты сақтау үшін жасалып жатыр. Елбасы, Мемлекет басшысы және Үкімет Қазақстан халқының тыныс-тіршілігін қамтамасыз ету үшін барлық күш-жігерін жұмсауда. Дегенмен, ортақ күш-жігеріміз арқылы ғана біз барлық қиындықтарды еңсере аламыз! Біздің табысымыз бен ұлт денсаулығы әрқайсымызға байланысты, ал бүгінде біздің ұйымшыл болуымыз аса қажет», — деп түйіндеді Е. Тоғжанов.


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
18 Қыркүйек 2020, 18:26
ҚР Үкіметінде жұмыс орындарын сақтау және жалақыны уақытылы төлеу мәселелері талқыланды
18 Қыркүйек 2020, 18:10
Қазақстан Республикасы Үкіметінің 2020 жылғы 16 қыркүйектегі №590 Қаулысы
18 Қыркүйек 2020, 18:00
Қазақстан Республикасы Үкіметінің 2020 жылғы 16 қыркүйектегі №589 Қаулысы
18 Қыркүйек 2020, 17:49
Қазақстан Республикасы Үкіметінің 2020 жылғы 16 қыркүйектегі №588 Қаулысы
18 Қыркүйек 2020, 17:19
Қазақстан Республикасы Үкіметінің 2020 жылғы 16 қыркүйектегі №587 Қаулысы
18 Қыркүйек 2020, 17:15
Қазақстан Республикасы Үкіметінің 2020 жылғы 15 қыркүйектегі №584 Қаулысы
17 Қыркүйек 2020, 18:56
Қазақстан Премьер-Министрі А. Мамин Түрікменстан Президенті Г. Бердымухамедовпен келіссөз жүргізді
17 Қыркүйек 2020, 18:45
ҚР Үкіметінде мүгедек жандарды әлеуметтік қорғау мәселесі талқыланды
16 Қыркүйек 2020, 21:35
Елбасының төрағалығымен Қазақстан Республикасы Қауіпсіздік Кеңесінің отырысы өтті
16 Қыркүйек 2020, 18:09
Ерлан Қиясов ҚР денсаулық сақтау вице-министрі – ҚР Бас мемлекеттік санитарлық дәрігері болып тағайындалды
16 Қыркүйек 2020, 17:16
Мемлекет басшысы Төтенше жағдайлар министрі Юрий Ильинді қабылдады
15 Қыркүйек 2020, 20:33
Қасым-Жомарт Тоқаев жаңадан құрылған агенттіктердің төрағалары Серік Жұманғарин мен Қайрат Келімбетовті қабылдады
15 Қыркүйек 2020, 14:53
Мемлекет басшысы Премьер-Министр Асқар Маминді қабылдады
15 Қыркүйек 2020, 12:26
Қазақстанда бағаны тұрақтандыру үшін ішкі нарықты негізгі азық-түлікпен толықтыру жұмысы жүргізілуде — ҚР АШМ
15 Қыркүйек 2020, 10:27
Әлеуметтік маңызы бар азық-түлік тауарлары бағасының өсуі жыл соңына дейін 6%-дан аспайды — ҚР СИМ
15 Қыркүйек 2020, 10:07
ҚР Премьер-Министрі А. Мамин әлеуметтік маңызы бар азық-түлік өнімдері бағасының тұрақтылығына қатаң бақылау орнатуды тапсырды
15 Қыркүйек 2020, 09:44
Биыл Қазақстанда Индустрияландыру картасы аясында құны 1 трлн теңге болатын 206 жоба іске қосылады
15 Қыркүйек 2020, 09:29
2020 жылдың 8 айында Индустрияландыру картасы бойынша 4,3 мың жаңа жұмыс орны құрылды — ҚР ИИДМ
14 Қыркүйек 2020, 19:23
Қазақстан Президенті Қ. Тоқаев бірқатар кадрлық тағайындау жасады
14 Қыркүйек 2020, 18:42
Ведомствоаралық комиссия бизнес нысандарының жұмысын жеңілдету бойынша шешімдер қабылдады
14 Қыркүйек 2020, 11:55
Қазақстанда Индустрия 4.0 енгізу немесе «ақылды» зауыттар карантин мен әлемдік пандемия кезеңінде өз жұмыстарын қалай атқарды
14 Қыркүйек 2020, 11:12
15 қыркүйек күні Үкімет үйінде Қазақстан Үкіметінің отырысы өтеді
14 Қыркүйек 2020, 10:51
ЕЭК Кеңесінің отырысында еуразиялық экономикалық интеграцияны дамытудың 2025 жылға дейінгі стратегиялық бағыттары қаралды
13 Қыркүйек 2020, 09:04
Видеодайджест: «Аптаның айшықты оқиғалары» №77
11 Қыркүйек 2020, 16:18
Мемлекет басшысы Жамбыл облысының әкімі Бердібек Сапарбаевты қабылдады
11 Қыркүйек 2020, 13:07
ҚР Премьер-Министрі Асқар Мамин төтенше жағдайлар министрі Юрий Ильинді таныстырды
10 Қыркүйек 2020, 23:02
Нұрсұлтан Назарбаев «Астана Бас жоспары» ғылыми-зерттеу жобалық институты» жауапкершілігі шектеулі серіктестігінде болды
10 Қыркүйек 2020, 19:20
Мемлекет басшысы Қасым-Жомарт Тоқаев жұмыс сапарымен Қостанай облысына барды
10 Қыркүйек 2020, 18:59
Нұрсұлтан Назарбаев бірқатар кездесу өткізді
10 Қыркүйек 2020, 17:56
Қазақстан Республикасы Үкіметінің 2020 жылғы 10 қыркүйектегі №568 Қаулысы
10 Қыркүйек 2020, 17:06
Қашықтан білім беру, мектептердегі эпидемиологиялық ахуал, ауылдарды интернетпен қамтамасыз ету — Қазақстанда оқу үдерісі қалай ұйымдастырылған
10 Қыркүйек 2020, 13:12
Қазақстанда электронды өнеркәсіп өндірісінің көлемі 3 жылда 8,5 есе өседі
09 Қыркүйек 2020, 20:31
Мемлекет басшысы Алматы облысының әкімі Амандық Баталовты қабылдады
09 Қыркүйек 2020, 17:36
Мемлекет басшысы Алматы қаласының әкімі Бақытжан Сағынтаевты қабылдады
09 Қыркүйек 2020, 17:23
Президент Қасым-Жомарт Тоқаев Ресей Федерациясының Қазақстандағы елшісі Алексей Бородавкинді қабылдады
09 Қыркүйек 2020, 16:02
Қазақстан Республикасы Үкіметінің 2020 жылғы 8 қыркүйектегі №560 Қаулысы
09 Қыркүйек 2020, 15:06
Роман Скляр жұмыс сапарымен Атырау облысына барды
09 Қыркүйек 2020, 12:50
ҚР Үкіметінің отырысы, 09.09.2020
09 Қыркүйек 2020, 11:59
Денсаулық сақтау министрлігі КВИ туралы: Қазақстанда емдеу мекемелерінде төсек-орындардың бос болмауы 6 есе төмендеді
09 Қыркүйек 2020, 11:31
2020 жылдың 8 айында азық-түлік өнімдері өндірісі 3,6%-ға артты — ҚР АШМ
09 Қыркүйек 2020, 11:21
Қазақстанның ішкі нарығы өзімізде өндірілген мұнай өнімдерімен толық қамтамасыз етілген — Н. Ноғаев
09 Қыркүйек 2020, 11:19
Қазақстанда контейнерлерді жалпы транзиттік тасымалдау көлемі 37%-ға артты — ИИДМ
09 Қыркүйек 2020, 11:02
Қабылданған шаралар еліміздегі эпидемиологиялық ахуалды тұрақтандырды – ҚР Премьер-Министрі А. Мамин 
09 Қыркүйек 2020, 10:54
Биыл 8 айдың қорытындысы бойынша ҚР экономикасының негізгі салаларында оң динамика сақталып отыр  
09 Қыркүйек 2020, 10:53
Үкімет Мемлекет басшысының Қазақстан халқына арнаған Жолдауын іске асыру жөніндегі жалпыұлттық жоспарды қабылдады
09 Қыркүйек 2020, 10:25
«Қарапайым заттар экономикасы» бағдарламасы бойынша 604 қарыз берілді — Ұлттық банк
09 Қыркүйек 2020, 10:20
2020 жылғы 8 айдың қорытындысы бойынша мемлекеттік бюджетке 5,5 трлн теңге кіріс түсті — Қаржы министрлігі
09 Қыркүйек 2020, 10:13
Құрылыс, ауыл шаруашылығы және өңдеу өнеркәсібіндегі өсім — Р. Дәленов 2020 жылдың 8 айындағы әлеуметтік-экономикалық даму нәтижелері туралы баяндады
09 Қыркүйек 2020, 10:06
Президент Жолдауын іске асыру жөніндегі жалпыұлттық іс-шаралар жоспарының жобасы 10 негізгі бағытты қамтиды
08 Қыркүйек 2020, 18:10
Әділбек Қабаев ҚР Мәдениет және спорт министрлігінің Тіл саясаты комитетінің төрағасы болып тағайындалды
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.