Бүгін Қазақстан Үкіметі отырысында Мемлекет басшысының 2017 жылғы 3 ақпандағы Үкіметтің кеңейтілген отырысында берген тапсырмаларын орындау мәселелері қаралды. 

Еске сала кетейік, кеше Мемлекет басшысы Нұрсұлтан Назарбаевтың экономиканың түрлі салаларындағы кемшіліктерді жоюға байланысты тапсырмалар берген Үкіметтің кеңейтілген отырысы өтті.

Соның негізінде, Премьер-Министр Бақытжан Сағынтаев ҚР Президенті алға қойған міндеттерді орындауға байланысты бірқатар нақты тапсырмалар берді. Сонымен қатар, Үкіметке 2018 жылдың соңына дейін кәсіпорындарды жекешелендіру жұмыстарын жеделдетіп, аяқтау тапсырылды.

 «Ұлттық экономика министрлігі биылғы жылдың 1 наурызына дейін Үкіметтің 2018 жылға дейін жекешелендіруге жататын нысандардың нақты тізімін бекіту бойынша жоба шешімін шығаруы тиіс», - деді Б. Сағынтаев.

Үкімет басшысының сөзіне келсек, нысандардың басым бөлігі биыл өткізілуі тиіс. Қаржы министрлігі аталған жұмыстың ай сайынғы кестесін бақылауда ұстауы қажет.

 «Кез-келген түрде кестеден кешіккен жағдайда шара қолданылатын болады», - деді Премьер-Министр.

Бұдан өзге, Мемлекет басшысы мемлекеттік меншік пен квазимемлекеттік секторда қалатын нысандардың толық тізімін әзірлеуді тапсырды.

Осы орайда, Б. Сағынтаев ұлттық экономика министрі Т. Сүлейменовке Yellow pages rules қағидаларына сәйкес келмейтін, аталған тізімдерге кірмейтін нысандарды жоюды тапсырды. Бұл жұмыс 1 наурызға дейін аяқталуы тиіс.

www.primeminister.kz 

Жарияланды: 04 ақпан 2017

Мұрағат

Ақпан
2017
ДсСсСрБсЖмСнЖк
12345
6789101112
13141516171819
20212223242526
2728

Мемлекеттік орган басшыларының блог-тұғырнамасы

Өту