Мемлекеттік сатып алулар кезіндегі қазынашылық сүйемелдеу тетіктері қарастырылған Үкімет отырысы  барысында ҚР Премьер-Министрі Бақытжан Сағынтаев мемлекеттік сатып алулар кезінде қазынашылық сүйемелдеуді енгізу бойынша пилоттық жобаның жүзеге асырылуын бақылауда ұстауды тапсырды.

Отырыс барысында ҚР қаржы министрі Б. Сұлтанов көлеңкелі экономиканы азайту, құрылыс барысына мониторинг жүргізуді күшейту, бюджет қаражатын оңтайлы пайдалану мақсатында құрылыс бойынша мемлекеттік сатып алуларды қазынашылық сүйемелдеуді енгізу ұсынылатынын баяндады. Биыл бұл тетік үш аймақта  - Астана қаласында, Ақмола және Қарағанды облыстарында апробацияланатын болады.

ҚР Премьер-Министрі Бақытжан Сағынтаев ҚР Президенті Н.Назарбаевтың қатысуымен өткен Үкіметтің кеңейтілген отырысында мемлекеттік сатып алулар жүйесі әділ сынға ұшырағанын атап өтті.

«Қысқа уақыт ішінде бұл жүйе әзірленді, пысықталды, қазір пилоттық режімде оны енгізетін болатын. Жүйені өзгертеміз, ең басты міндет – бұл пилоттық жоба жұмыс істеуі тиіс. Сіздер оны жыл соңына дейін жеткізіп, мүмкін, келесі жылдан бастап мемлекеттік сатып алулар кезінде қазынашылық сүйемелдеу тетіктеріне толық көшуге болады. Басқа бағыттар бойынша да қоғамды қабылданып жатқан шаралар туралы ақпараттандыратын боламыз», - деді Б. Сағынтаев.

www.primeminister.kz

Жарияланды: 28 ақпан 2017

Мұрағат

Ақпан
2017
ДсСсСрБсЖмСнЖк
12345
6789101112
13141516171819
20212223242526
2728

Мемлекеттік орган басшыларының блог-тұғырнамасы

Өту