Бүгін Үкімет үйінде ҚР Премьер-Министрі Бақытжан Сағынтаев ҚР-дағы Швейцарияның Төтенше және Өкілетті елшісі Урс Шмидпен кездесу өткізді.

Кездесу барысында Швейцариямен энергетика, фармацевтика, білім беру, көлік және қаржы салаларында сауда-экономикалық ынтымақтастықты одан әрі нығайту, сондай-ақ бірқатар инвестициялық жобаларды іске асыру мәселелері талқыланды.

Премьер-Министр Швейцарияның елеулі транзиттік-логистикалық әлеуетін атап өтті. Швейцария Қазақстанмен сауда айналымының көлемі бойынша Еуропа елдері арасында 4-орында (Италия, Нидерланды және Франция елдерінен кейін).

Анықтама: Швейцария мен Қазақстан арасындағы дипломатиялық қарым-қатынастар 1992 жылы 1 маусымда орнатылды.

2018 ж. қаңтар-сәуір айларында тауар айналымы $562 987 мыңды құрады. (экспорт – $531 266 мың, импорт – $31 721 мың). 2017 ж. тауар айналымы $3,2 млрд (экспорт — $3,1 млрд, импорт — $138 млн) құрады, бұл 2016 ж. салыстырғанда 21% көп.

Швейцариядан Қазақстанға жалпы тікелей инвестициялар ағымы 2005–2017 жж. аралығында $20 597,3 млн құрады.

2005–2017 жж. Қазақстаннан Швейцарияға тікелей инвестициялар көлемі $823 млн құрады. Швейцария соңғы 10 жыл ішінде қазақстандық экспорттың жалпы көлемінен 63% жуығы экспортталған 6 елдің бірі (РФ, КХР, Италия, Нидерланды мен Франциядан кейін).

www.primeminister.kz

Жарияланды: 11 маусым 2018

Мұрағат

Маусым
2018
ДсСсСрБсЖмСнЖк
123
45678910
11121314151617
18192021222324
252627282930

Мемлекеттік орган басшыларының блог-тұғырнамасы

Өту