Бүгін Мемлекет басшысының тапсырмасымен ҚР Премьер-Министрі Бақытжан Сағынтаев Солтүстік Қазақстан облысына жұмыс сапарымен келді.

Сапардың мақсаты — Президенттің «Қазақстанның үшінші жаңғыруы: жаһандық бәсекеге қабілеттілік», «Төртінші өнеркәсіптік революция жағдайындағы дамудың жаңа мүмкіндіктері» жолдаулары мен «Бес әлеуметтік бастамасының», сондай-ақ, мемлекеттік және салалық бағдарламалардың өңірде жүзеге асырылу барысымен танысу.

Сапар аясында Солтүстік-Қазақстан облысының 2018–2021 жылдарға арналған кешенді әлеуметтік-экономикалық даму жоспарын жүзеге асыру барысы туралы кеңес өткізіп, сондай-ақ, бірқатар әлеуметтік және өнеркәсіптік инфрақұрылым нысандарын аралау жоспарланған. Бұдан өзге, Премьер-Министр Б. Сағынтаев Қазақстан мен Ресейдің XV аймақаралық ынтымақтастық форумын өткізуге дайындық барысымен танысады.

Сапар барысында Бақытжан Сағынтаев өңірде білім беру сапасын арттыру бойынша қабылданып жатқан шараларға назар аударды. «Төртінші өнеркәсіптік революция жағдайындағы дамудың жаңа мүмкіндіктері» Қазақстан халқына жолдауында Мемлекет басшысы білім беру бағдарламаларының негізгі басымдығы өзгерістерге үнемі бейім болу және жаңа білімді меңгеру қабілетін дамыту болуға тиіс екенін атап өтті. Еліміздің барлық өңірлерінде оқушылар сарайларының базасында компьютерлерді, зертханаларды, 3D-принтерлерді қоса алғанда, барлық қажетті инфрақұрылыммен бизнес-инкубаторлар мен балалар технопарктерінің желісін құру тапсырылған. Бұл жас буынды ғылыми-зерттеушілік және өнеркәсіптік-технологиялық ортаға сәтті ықпалдастыруға жол ашады.

Премьер-Министр Петропавл қаласында жаңадан салынып жатқан Оқушылар сарайына барды. Нысан алдыңғы қатарлы заманауи технологиялармен жарақтандырылады. Солтүстік Қазақстан облысы әкімінің орынбасары А. Федяевтің айтуынша, нысанда АT-индустриясының перспективалы бағыттары мен STEM-білім беру жүйесімен жоғар технологиялы кабинеттер базасы мен зертхана кешендерін құру көзделген.

Оқушылар сарайында бағдарламалау және графикалық дизайн зертханалары, виртуалды және толықтырылған шынайылық, TecQuipment (Ұлыбритания) инженерлік ғылымдары, роботты техника құрылымдау (АҚШ), анимациялық студия, голография, каркасты-вакуумды кинотеатр, Lexsolar (Германия) электромобильдері, Thespian (Ұлыбритания) гуманоидты роботы мен адамнан аумайтын NAO (Франция) роботтары және басқа да технологиялар болады.

М. Қозыбаев атындағы Солтүстік Қазақстан мемлекеттік университетінде Бақытжан Сағынтаев студенттер жатақханасының бір корпусын аралады, онда Президенттің Бес әлеуметтік бастамасының орындалуымен танысты. Жатақхана бөлмелерін аралау кезінде университет ректоры С. Өмірбаев бүгінгі таңда ЖОО-да 5531 студент білім алып жатқанын, оларға арналған 4 жатақхананың бар екенін мәлімдеді. Сонымен қатар, жыл сайынғы қабылдау көлемінің артуы мен университетте білім алушылардың санын ескергенде, 2018/19 оқу жылында жатақханаға деген қажеттілік 3150-ден астам орынды құрайды. СҚО әкімдігінің деректеріне сәйкес, 2018 жылы өңірде білім беру жүйесін қаржыландыруға 55,3 млрд тг қарастырылған. 31,2 млрд тг 01.08.2018 ж. жоспар кезінде игеру 100% құрады.

Айта кету керек, жоғары білім берудің қолжетімділігі мен сапасын арттыру аясында жергілікті бюджеттен жергілікті ЖОО-ға оқуға түсуге ниет білдірушілерге 75 грант бөлінді.

Естеріңізге сала кетейік, Премьер-Министр Мемлекет басшысының тапсырмасымен еліміздің өңірлерін жұмыс сапарымен аралап жүр. Бұған дейін Бақытжан Сағынтаев жұмыс сапарымен Атырау, Қарағанды, Қостанай, Қызылорда, Маңғыстау, Оңтүстік Қазақстан, Ақмола, Батыс Қазақстан және Түркістан, Ақтөбе облыстарында болып қайтты.

www.primeminister.kz

Жарияланды: 03 қыркүйек 2018

Мұрағат

Қыркүйек
2018
ДсСсСрБсЖмСнЖк
12
3456789
10111213141516
17181920212223
24252627282930

Мемлекеттік орган басшыларының блог-тұғырнамасы

Өту