2018 жылғы 29 қарашада Қазақстан Республикасының Ұлттық экономика Вице-министрі Серік Жұманғариннің төрағалығымен Табиғи монополияларды реттеу, бәсекелестікті және тұтынушылардың құқықтарын қорғау комитеті мен Комитеттің аумақтық бөлімшелерімен бірге кезекті кеңес өткізілді.

Осы кеңес Қазақстан Республикасының Премьер-Министрі ағымдағы жылы 13 қарашадағы Үкімет отырысында Ұлттық экономика министрлігінің энергетика, инвестициялар және даму, ақпарат және коммуникациялар министрліктерімен, облыстардың, Астана, Алматы мен Шымкент қалаларының әкімдіктерімен сумен жабдықтау, газбен жабдықтау, су бұру, телефон байланысы, интернет және ПИК қызметтеріне тарифтерді төмендету бойынша бірлескен жұмыс жүргізу бөлігінде берген тапсырмаларды орындау шеңберінде өтті.

Осыған байланысты, кеңесте Комитеттің және оның аумақтық бөлімшелерінің тұрғын үй-коммуналдық шаруашылығы (сумен жабдықтау, су бұру, электрмен жабдықтау, жылумен жабдықтау, газбен жабдықтау) қызметтеріне тарифтерді төмендету бойынша жүргізген жұмысы туралы мәселелер қаралды.

Вице-министр Комитет және оның аумақтық бөлімшелері басшылығының табиғи монополиялар субъектілерінің тарифтерді төмендету бойынша қабылдаған және жүргізіп жатқан шаралары жөнінде есептерін тыңдады.

Жалпы 74 Қоғамдық қабылдау өткізілді, онда 2334 адам қатысты. Комитеттің аумақтық бөлімшелері табиғи монополиялар және қоғамдық маңызы бар нарық субъектілерінің  заңнаманы бұзу мәніне 48 жоспардан тыс тексеру бастады.

Осылайша жоспардан тыс тексерулер нәтижелері бойынша Комитет және оның аумақтық бөлімшелері жауап берудің тиісті шараларын қабылдайтын болады.

Вице-министр Мемлекет басшысының және Қазақстан Республикасы Премьер-Министрінің коммуналдық қызметтерге арналған тарифтерді төмендету жөніндегі тапсырмаларын орындау маңыздылығын атап өтті және оларды барлық өңірлерде төмендету жұмысын жалғастыруды тапсырды.

ҚР ҰЭМ Баспасөз қызметі

Жарияланды: 30 қараша 2018

Мұрағат

Қараша
2018
ДсСсСрБсЖмСнЖк
1234
567891011
12131415161718
19202122232425
2627282930

Мемлекеттік орган басшыларының блог-тұғырнамасы

Өту