Қазақстан Республикасы Үкіметінің 2015 жылғы «06» маусымдағы № 51-ө өкімі

Әлемдік және дәстүрлі діндер лидерлерінің V съезіне қатысу үшін Финляндия Республикасының Президенті Саули Ниинистёнің Қазақстан Республикасына жұмыс сапарын дайындау және өткізу туралы

  1. 2015 жылғы 9 – 11 маусымда Әлемдік және дәстүрлі діндер лидерлерінің V съезіне қатысу үшін Финляндия Республикасының Президенті Саули Ниинистёнің Қазақстан Республикасына жұмыс сапарын (бұдан әрі – сапар) дайындау және өткізу мақсатында:

  2. 1. Қазақстан Республикасы Сыртқы істер министрлігі сапарды дайындау және өткізу жөніндегі протоколдық-ұйымдастыру іс-шараларын қамтамасыз етсін.

  3. 2. Қазақстан Республикасы Президентінің Іс Басқармасы (келісім бойынша) заңнамада белгіленген тәртіппен қосымшаға сәйкес «1+5» форматы бойынша немесе өзара түсіністік қағидаты бойынша Финляндия Республикасының РРеспукРовыфВАПМАВресми делегациясының мүшелеріне жоғары деңгейде қызмет көрсету жөніндегі ұйымдастыру шараларын қабылдасын, сапарды өткізуге арналған шығыстарды 2015 жылға арналған республикалық бюджетте 001 «Мемлекет басшысының, Премьер-Министрдің және мемлекеттік органдардың басқа да лауазымды адамдарының қызметін қамтамасыз ету жөніндегі қызметтер», 003 «Республикалық деңгейде халықтың санитариялық-эпидемиологиялық салауаттылығы» және 004 «Азаматтардың жекелеген санаттарына медициналық көмек көрсету» бағдарламалары бойынша көзделген қаражат есебінен қаржыландыруды қамтамасыз етсін.

  4. Қазақстан Республикасы Мемлекеттік күзет қызметі (келісім бойынша), Қазақстан Республикасы Ұлттық қауіпсіздік комитеті (келісім бойынша), Қазақстан Республикасы Ішкі істер министрлігі Финляндия Республикасының ресми делегациясы мүшелерінің Астана қаласының әуежайында, тұратын және болатын орындарындағы қауіпсіздігін, жүретін маршруттары бойынша бірге жүруді, сондай-ақ арнайы ұшақты күзетуді қамтамасыз етсін.

  5. Қазақстан Республикасы Инвестициялар және даму министрлігі белгіленген тәртіппен:

  6. 1) Қазақстан Республикасы Қорғаныс министрлігімен бірлесіп, Финляндия Республикасының Президенті Саули Нинистёнің арнайы ұшағының Қазақстан Республикасы аумағының үстінен ұшып өтуін, Астана қаласының әуежайында қонуын және одан ұшып шығуын;

  7. 2) Астана қаласының әуежайында арнайы ұшаққа техникалық қызмет көрсетуді, оның тұрағын және жанармай құюды;

  8. 3) сапарды бұқаралық ақпарат құралдарында жариялауды қамтамасыз етсін.

  9. Қазақстан Республикасы Мәдениет және спорт министрлігі Қазақстан Республикасының Президенті Н.Ә.Назарбаевтың атынан Финляндия Республикасының Президенті С.Ниинистёнің құрметіне берілетін қабылдау (бейресми қабылдау) кезінде концерттік бағдарламалар ұйымдастыруды және іс-шараларға қажетті техникалық қолдау көрсетуді (дыбыстық, жарықтық қамтамасыз ету және сахнаны безендіру) қамтамасыз етсін.

  10. Астана қаласының әкімдігі Финляндия Республикасы Президентінінің ресми делегациясын әуежайда қарсы алу және шығарып салу жөніндегі ұйымдастыру іс-шараларының орындалуын, әуежайды және көшелерді безендіруді, баратын орындарға бірге жүруді, сондай-ақ мәдени бағдарламаларды ұйымдастыруды қамтамасыз етсін.

  11. Қазақстан Республикасы Мемлекеттік күзет қызметі (келісім бойынша) Финляндия Республикасының Президенті Саули Ниинистёні ресми қарсы алу және шығарып салу рәсімдеріне қатыссын.

  12. Қазақстан Республикасы Ұлттық қауіпсіздік комитетінің Шекара қызметі (келісім бойынша) және Қазақстан Республикасы Қаржы министрлігінің Мемлекеттік кірістер комитеті Финляндия Республикасы Президентінің ресми делегациясын Астана қаласының әуежайында қарсы алу және шығарып салу кезінде тиісті жәрдем көрсетуді қамтамасыз етсін.

  13. Осы өкімнің іске асырылуын бақылау Қазақстан Республикасы Сыртқы істер министрлігіне жүктелсін.

  14.  
  15. Премьер-Министр             К. Мәсімов   

 

Қосымша

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу