Қазақстан Республикасы Үкіметінің 2014 жылғы «05» тамыздағы № 892  қаулысы

Қазақстан Республикасының Үкіметі ҚАУЛЫ ЕТЕДІ:

1. «Пайдалы қазбалардың кең таралғандарын қоспағанда, қатты          түрлерiнiң кен орнын (кен орындарының бiр тобын, кен орнының бiр бөлiгiн) рентабельділігі төмен санатқа жатқызу және пайдалы қазбаларды өндiруге арналған салық бөлігінде салық салу қағидаларын бекiту туралы» Қазақстан Республикасы Үкіметінің 2012 жылғы 31 қазандағы № 1379 қаулысына     (Қазақстан Республикасының ПҮАЖ-ы, 2012 ж., № 75-76, 1122-құжат)         мынадай өзгерістер мен толықтыру енгізілсін:

көрсетілген қаулымен бекітілген Пайдалы қазбалардың кең          таралғандарын қоспағанда, қатты түрлерiнiң кен орнын (кен орындарының бір тобын, кен орнының бiр бөлiгiн) рентабельділігі төмен санатқа жатқызу және пайдалы қазбаларды өндiруге арналған салық бөлігінде салық салу      қағидаларында:

13-тармақтың 3) тармақшасы алып тасталсын;

18-тармақ мынадай редакцияда жазылсын:

«18. ПҚӨС ставкалары рентабельділігі төмен санатқа жатқызылған кен орны (кен орындарының бір тобы, кен орнының бiр бөлiгi) үшін кен орнының      (кен орындарының бiр тобының, кен орнының бiр бөлiгiнің) рентабельділігін нөлдік деңгейге жақындатуға мүмкіндік беретін шамаға дейін төмендетіледі,     бірақ осы Қағидалардың 19-1-тармағында көзделген жағдайларды қоспағанда,     осы Қағидалардың 19-тармағында белгіленген ПҚӨС ең төменгі ставкасынан төмен емес.

Бұл ретте, осы Қағидаларға сәйкес есептелген ПҚӨС ставкаларының мөлшері нөл бүтін жүзден бір қадаммен (0,01) үтірден кейінгі екі белгіге дейін үлкеніне қарай дөңгелетіліп, нақтылықпен белгіленеді.»;

19-тармақ мынадай редакцияда жазылсын:

«19. ПҚӨС ең төменгі ставкасы, осы Қағидалардың 19-1-тармағында көрсетілген жағдайларды қоспағанда, жоспарлы өндіру көлемін ескере отырып және ПҚӨС жеке ставкасы белгіленетін ағымдағы күнтізбелік жылдың      бағалары бойынша 2008 жылғы 31 желтоқсандағы жағдай бойынша      қолданылған редакцияда жер қойнауын пайдалануға арналған келісімшарттың талаптарында белгіленген салық салу базасы мен ставкасы бойынша      есептелген роялти сомасының абсолюттік мәніне тең сомада ПҚӨС жер      қойнауын пайдаланушының бюджетке төлеуін қамтамасыз ететін мөлшерде белгіленуі тиіс.

Осы Қағидалардың 19-1-тармағында көзделген жағдайларды қоспағанда,     егер жер қойнауын пайдалану келісімшартының талаптарында 2008 жылғы 31 желтоқсандағы жағдай бойынша роялти ставкалары белгіленбеген болса,     2008 жылғы 31 желтоқсанға қолданылған редакциядағы Салық кодексіне     сәйкес тиісті пайдалы қазбаға роялти ставкалары қолданылады.

ПҚӨС ең төменгі ставкасын есептеу мынадай тәртіппен жүзеге          асырылады:

1) тиісті күнтізбелік жылға жоспарланатын өндіру көлемін ескере          отырып, 2008 жылғы 31 желтоқсандағы жағдай бойынша қолданыста болған          жер қойнауын пайдалануға арналған келісімшарт талаптарына сәйкес (салық                салу объектісі, роялти ставкасы, тиісті күнтізбелік жылға салық салу базасы)         жер қойнауын пайдаланушы бюджетке төлеуге жататын роялти сомасы айқындалады;

2) осы тармақтың 1) тармақшасына сәйкес есептелген роялти сомасы абсолюттік мәнде осы Қағидалардың 17-тармағына сәйкес есептелген кен орны (кен орындарының бір тобы, кен орнының бiр бөлiгi) бойынша рентабельділік      0 %-дан аз болған жағдайда, жер қойнауын пайдаланушы бюджетке төлеуі тиіс ПҚӨС сомасын құрайды;

3) рентабельділігі төмен санатқа жатқызылған кен орны (кен          орындарының бір тобы, кен орнының бiр бөлiгi) бойынша жер қойнауын пайдаланушы үшін белгіленетін ПҚӨС ең төменгі ставкасы Салық кодексінде белгіленген тәртіппен есептелген пайдалы қазбаның тиісті түрі (пайдалы қазбалардың тиісті түрлері) бойынша ПҚӨС бойынша салық салу базасына осы тармақтың 1) тармақшасына сәйкес есептелген ПҚӨС сомасына қатынасы      ретінде белгіленеді.

Егер рентабельділігі төмен санатқа жатқызылған кен орны (кен      орындарының бір тобы, кен орнының бiр бөлiгi) үшін ПҚӨС ставкалары тиісті күнтізбелік жылға көрсетілген жыл ішінде белгіленген жағдайда өткен салық кезеңдеріндегі нақты қалыптасқан бағалардың негізінде күнтізбелік жылдың басынан есептелген және төленген ПҚӨС осы Қағидаларға сәйкес белгіленген ставкалар бойынша қайта есептеледі.»;

мынадай мазмұндағы 19-1 тармақпен толықтырылсын:

«19-1. Егер осы Қағидалардың 19 тармағына сәйкес айқындалған ПҚӨС      ең төменгі ставкасы кезінде кен орнының (кен орындарының бір тобының, кен орнының бiр бөлiгiнің) нөлдік рентабельділігіне қол жеткізілмеген жағдайда,     онда ПҚӨС-тің, оның ішінде ілеспе пайдалы қазбалар бойынша ең төменгі ставкасы бір мезгілде мынадай шарттар сақталған кезде кен орнының (кен орындарының бір тобының, кен орнының бiр бөлiгiнің) рентабельділігін          нөлдік деңгейге жақындатуға мүмкіндік беретін шамаға дейін (0 %-ға дейін                    қоса алғанда) төмендетіледі:

  1. кен орнын (кен орындарының бір тобын, кен орнының бiр бөлiгiн)     осы Қағидалардың 16-тармағына сәйкес бір құрамдауышты немесе көп құрамдауышты кен орны ретінде сыныптауға болады;
  2. минералды шикізатты өңдеу нәтижесінде алынған дайын өнімді      өткізген кезде дайын өнімді өткізу бағасы мен оның толық өзіндік құны арасындағы айырма ретінде айқындалатын шығындар туындайды. Осы      тармақтың мақсатында дайын өнімнің толық өзіндік құнына өткізілген дайын өнімнің өзіндік құны, өткізу бойынша шығыстар және жалпы және әкімшілік шығыстар қосылады. Өткізілген дайын өнімнің өзіндік құны халықаралық     қаржы есептілігі стандарттары мен Қазақстан Республикасының бухгалтерлік      есеп және қаржы есептілігі туралы заңнамасының талаптарына сәйкес айқындалады. Өткізілген дайын өнімнің толық өзіндік құнынан шығын          сомасын айқындау мақсатында төленуге жататыннан (төленгеннен) басқа, халықаралық қаржылық есеп беру стандарттарын және Қазақстан Республикасының бухгалтерлік есепке алу және қаржы есептілігі туралы заңнамасын қолданған кезде активтер мен (немесе) міндеттемелер құнының өзгеруіне байланысты бухгалтерлік есепке алуда туындайтын шығыстар баптан алынып тасталуға тиіс.

2009 жылғы 1 қаңтарға дейін жасалған жер қойнауын пайдалануға арналған келісімшарттың талаптарында ілеспе пайдалы қазбаларға арналған                    роялти ставкалары 2008 жылғы 31 желтоқсандағы жағдай бойынша      белгіленбеген жағдайда, егер жер қойнауын пайдаланушының қызметі,         тұтастай алғанда, шығынды болып табылса, онда осы Қағидалардың                          19-тармағында айқындалған мұндай пайдалы қазбаларға қатысты ПҚӨС ең      төменгі ставкасы 0 % мөлшерінде белгіленеді.»;

20-тармақ мынадай редакцияда жазылсын:

«20. Осы Қағидалардың 19-тармағына сәйкес белгіленген пайдалы      қазбаларды өндіруге арналған салық ставкасын қолданған салық төлеуші тиісті салық жылының 4-тоқсанынан кейінгі 2-айдың 15-күнінен кеш емес мерзімде Салық кодексінің 45-тарауында белгіленген тиісті ставканы қолдана отырып,     нақты деректер негізінде рентабельділік көрсеткіштерінің есептемесін          жүргізеді.

Егер келісімшарт бойынша жүргізілген есептеменің нәтижелері бойынша      осы Қағидалардың 15-тармағында белгіленген рентабельділік мәндері асып     кетсе, салық төлеуші барлық салық жылындағы жалпыға белгіленген ставкалар негізінде пайдалы қазбаларды өндіруге арналған салық міндеттемелерін қайта есептейді және алынған мәндерді пайдалы қазбаларды өндіруге арналған салық бойынша қосымша декларацияда көрсетеді. Осы декларацияда көрсетілген пайдалы қазбаларды өндіруге арналған салық сомасы салық жылының                    4-тоқсанының салық міндеттемесі болып табылады және жалпыға белгіленген тәртіппен айыппұлдар мен өсімпұлдарды қолданбастан бюджетке төлеуге жатады.».

2. Осы қаулы алғашқы ресми жарияланған күнінен бастап қолданысқа енгізіледі.

Қазақстан Республикасының Премьер-Министрі                  К. Мәсімов

Жарияланды: 02 қыркүйек 2014

Мұрағат

Қыркүйек
2014
ДсСсСрБсЖмСнЖк
1234567
891011121314
15161718192021
22232425262728
2930

Мемлекеттік орган басшыларының блог-тұғырнамасы

Өту