Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

Аса қажетті медициналық қызметтерді қаржыландыруды ұлғайту арқылы олардың қолжетімділігін арттыруды көздейміз — А. Жұмағұлов МӘМС туралы

Жұма, 15 Қараша 2019, 13:09:19

2020 жылдың 1 қаңтарынан бастап елімізде міндетті әлеуметтік медициналық сақтандыру жүйесі іске қосылады. Бұл жүйенің артықшылықтары мен тиімділіктері қандай екені туралы PrimeMinister.kz-ке берген сұхбатында «Міндетті әлеуметтік медициналық сақтандыру қоры» КЕАҚ басқарма төрағасы Айбатыр Жұмағұлов айтып берді.

Міндетті әлеуметтік медициналық сақтандыру жүйесінің тиімділігі қандай? Жаңа жүйе қолданысқа енгеннен кейін медициналық қызмет саласында сақтандыру полисін алғандар үшін қандай өзгерістер болады қалады?

— 2025 жылға дейін медицина саласын қаржыландыруды жалпы ішкі өнімнің 5%-ына дейін жеткізу міндеті қойылды. Бүгінгі күні тұрғындар үшін кейбір медициналық қызметтер қолжетімді емес. Сол себепті 2020 жылдан бастап міндетті әлеуметтік медициналық сақтандыру жүйесінің арқасында денсаулық сақтау жүйесіне шамамен 500 млрд теңгеден астам қосымша қаражат құйылады. Салыстырмалы түрде айтсақ, биыл кепілдендірілген тегін медициналық көмек шеңберінде 1 трлн теңгеге жуық қаржы бөлінген болса, енді соған қосымша тағы 500 млрд теңге бөлінеді, яғни, бөлінетін қаржы мөлшері 1,5 есе өседі. Тағы айта кететін бір мәселе, 2020 жылы кепілдендірілген тегін медициналық көмек көлемі шамамен 1 трлн теңге көлемінде, сол деңгейде қалады. Бюджетте бүгінгі күнде келесі жылға 988 млрд теңге қаражат қарастырылған. Сондықтан, тегін медициналық көмек көлемі сол күйінде қалады, кез келген азамат бұл көмекті қажет кезінде пайдалана алады. Міндетті әлеуметтік сақтандыру жүйесіне келетін болсақ, қаражат тапшылығына байланысты бұрын қымбат медициналық диагностикалық қызметтер, әсіресе, компьютерлік томография, МРТ, басқа да қызметтер халық үшін қолжетімді болмады немесе көптеген кезектерді күту қажет болды. Әсіресе, жоспарлы түрде жасалатын операциялар кезегін кейбір уақытта 2-3 айдан аса уақыт күту керек болатын. Енді біздің мақсатымыз ‒ аса қажет медициналық қызметтердің көлемін қаржыландыруды арттыру арқылы олардың қолжетімді болуын қамтамасыз ету. Айналып келгенде, тұрғындарға медициналық қызметтің қолжетімділігін және сапасын арттыру. Міндетті әлеуметтік медициналық сақтандыру жүйесінің негізгі мақсаты осы.

— Міндетті әлеуметтік медициналық сақтандыру пакетіне қандай қызметтер кіреді?

— Айта берсек, олар ‒ көп, бірақ негізгілерін атап өтейін. Олардың қатарында диагностикалық қызметтер, әсіресе, қымбат диагностикалық қызметтер, компьютерлік томография, МРТ, басқа да анализдер бар. Мысалы, онкологиялық ауруларға байланысты (қымбат бөлігіне ғана) диагностика жасау, одан бөлек, жоспарлы түрде жасалатын операциялар, мысалы, ортопедияда буындардың имплантаттарын өзгерту арқылы ота жасау бар. Оларға да қаржы бөлінетін болады. Сонымен қатар дәрі-дәрмектермен қамтамасыз ету қамтылады. Қысқаша айтқанда, негізгі медициналық сақтандыру жүйесіндегі медициналық қызметтерді осындай топтарға біріктіруге болады.

— Міндетті әлеуметтік медициналық сақтандырудың жарна мөлшері қандай? Ол барлық азаматтар үшін бірдей бола ма?

— Жарна мөлшеріне келетін болсақ, міндетті әлеуметтік медициналық сақтандыру жүйесінде (бұл тұста «әлеуметтік» деген сөзге көңіл бөлулеріңізді сұраймын, себебі, басқа елдердегі сақтандыру жүйесіне қарағанда, Қазақстандағы медициналық сақтандыру жүйесі «әлеуметтік» деп сараланады) азаматтардың шамамен 58-60%-ын мемлекет тарапынан сақтандырумен қамтитын боламыз. Олар ‒ 15 санаттағы азаматтар, оның ішіндегі ең көп бөлігі, әрине, балалар, студенттер, зейнеткерлер, мүгедектер, осы санаттағы азаматтарға сақтандыру жарнасы мемлекет тарапынан төленеді. Ең негізгі санаттағы азаматтар ‒ жұмыс істейтін азаматтардың жарнасы жұмыс берушінің тарапынан төленеді. Бүгінгі күні жарна мөлшері еңбекақыдан 1,5% құрайды, оны жұмыс беруші төлейді. Келесі жылдан бастап ол жарна жұмыс беруші тарапынан 2%, ал жалдамалы жұмыскердің тарапынан 1% көлемінде төленетін болады. 

— Ауылдық жерлерде медициналық қызметтердің көптеген түрлерінің қолжетімсіз екені жасырын емес. Жаңа жүйе енгізілгеннен кейін ауылдарда медициналық қызметтерді алу сапасына кім жауап береді?

— Жалпы, медициналық қызметтердің қолжетімсіздігі бірінші кезекте қаржылдандырудың шектелуіне байланысты. Қаржыландыру көбейсе барлық медициналық ұйымдарда инфрақұрылымдық жағынан, әсіресе, қымбат медициналық қызметтер бойынша өзгерістер болады деп күтіліп отыр. Одан бөлек, «мамандық аясында» дейміз ғой, лор, окулист сияқты дәрігерлердің консультациясын біз бөлек статья ретінде шығарып, оны міндетті әлеуметтік медициналық сақтандыру жүйесі арқылы қаржыландырмақ ойымыз бар. Бұл ауылдағы медицинаға қосымша қаражат алып келеді. Демек, қаржыландыру артқан кезде әрбір азаматқа қызмет көрсету көлемі мен сапасы да артады деп ойлаймыз. Ауылдық жерлерде тұратын азаматтар тек сол жердегі аудандық ауруханамен ғана шектеліп қоймай, егер қандай да бір күрделі дәрігерлік ем-шара керек болатын болса, облыс деңгейіне немесе республикалық деңгейге шығып, сол қызметті алуға мүмкіндігі бар. Бұл жағынан ешқандай шектеу жоқ.

— Міндетті әлеуметтік медициналық сақтандыру жүйесі аясында қанша адамды қамту жоспарлануда? Қазір қанша адам есепке алынды?

— Бізде күн сайын есеп жүргізіліп отырады. Біздің есебіміз бойынша, тұрғындардың 95%-ына дейін сақтандырумен қамтылады деген жоспарымыз бар. Әрине, бұл ауқымды жұмыстар жүргізуді талап етеді. Соның ішінде, жұмыскердің тарапынан немесе жұмыс берушінің тарапынан МӘМС жарнасы кейбір кездері төленбей қалатындай жағдайлар болса, төлену жиілігін нақтылап қарап отыру сияқты жұмыстарды бүгінгі күнде біз Мемлекеттік кірістер комитетімен бірлесіп пысықтап жатырмыз. Бұл, әрине, үлкен жұмыс. Жалпы, жұмыстардың барлығы ретке қойылған соң, міндетті әлеуметтік медициналық сақтандыру жүйесімен қамтылатындар саны біздің есебіміз бойынша 95%-дан асуы тиіс. 

— Осыдан бірнеше ай бұрын Қарағанды облысы тәжірибе жүзінде міндетті әлеуметтік медициналық сақтандыру жүйесіне өтті. Пилоттық режимдегі бұл жоба нені көрсетті? МӘМС жүйесінің қандай кемшін тұстары анықталды және олар жойылды ма?

— Өз басым, бұл пилоттық жобаны осы Қарағанды өңірінде жүзеге асырғанымыз дұрыс болды деп ойлаймын. Себебі, Қарағанды өңірінің дайындық деңгейі жоғары болды облыс әкімшілігінің тарапынан қолдау көрсетілуінің арқасында пилоттық жүйе өз нәтижесін беріп отыр. Бұл жерде негізгі мәселе ‒сақтандыру есебі туралы. Себебі, келесі жылдан бастап бізге көрсетілетін қызметтер екіге бөлінетін болады. Біріншісі ‒ кепілдендірілген тегін медициналық көмек, екіншісі ‒ сақтандыру жүйесі арқылы көрсетілетін медициналық көмек. Бөлек есебі және медициналық ұйымдармен есеп айырысу, медициналық қызметкерлердің дайындығы жағынан үлкен жұмыстар жасалды. Менің бағалауым бойынша, пилоттық жоба өзінің оң нәтижесін берді. Осы жоба негізінде нормативтік-құқықтық актілердің кейбіреулеріне өзгерістер де енгізілді, кейбір қызметтердің кейбір олқылықтары түзетілді, енді міндетті әлеуметтік медициналық сақтандыру жүйесін республика бойынша тарататын кезеңге дайындалып отырмыз. Бұдан басқа, әрбір облыстағы әкімдердің орынбасарлары мен денсаулық сақтау басқармаларының басшыларын жинап, Қарағанды өңірінде өтіп жатқан пилоттық жобаны оларға үлгі ретінде көрсете білдік. Бүгінгі күні көп аймақтар одан өзіне қажеттісін алды. 2020 жылдың 1 қаңтарына дейін олар да осы жүйені енгізуге дайын болады деп ойлаймын. Бұл ретте, Үкімет тарапынан да, министрлік тарапынан да өңірлерге қойылған міндеттер бар. Ол міндеттер бойынша бүгінгі күні жұмыстар жүргізіліп жатыр.

— Жаңа жүйеден қандай нәтиже күтеміз?

— Бірінші ретте, әрине, медициналық қызметтердің қолжетімділігі мен сапасы артады. Осы негізгі екі көрсеткіш ‒ Қордың алдында тұрған негізгі көрсеткіштер. Сондықтан біз осы нәтижелерге қол жеткізуіміз керек деп есептеймін.

— Бұл жүйе енгізілгенге дейін азаматтар қандай дайындықта болуы керек? Қандай кеңес бересіз?

— Алдымен, әрбір азамат өзінің сақтандырылу статусын білуі қажет деп ойлаймын. Бүгінгі күні ондай мүмкіндіктер бар, оны біздің сайтқа (fms.kz) кіріп қарасаңыздар да болады. Телеграм жүйесі арқылы сақтандыру боты (SaqtandyryBot) қызмет көрсетеді. Әрбір азаматтың бүгінгі күннен бастап өзінің болашақта қай санатта болатынын, сақтандырылғанын немесе сақтандырылмағанын білуге мүмкіндігі бар. Егер азамат бұл жүйеде жоқ болса, оның себебін анықтап, бүгіннен бастап дайындалуы керек деп ойлаймын.

— Сұхбатыңызға рахмет!


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
11 Тамыз 2020, 20:34
ҚР Премьер-Министрінің орынбасары Ералы Тоғжанов Нұр-Сұлтан қаласындағы бірқатар кәсіпкерлік нысанын аралады
11 Тамыз 2020, 19:56
ВАК карантин шараларын кезең-кезеңмен алып тастауға дайындықты қарастырды
11 Тамыз 2020, 13:46
ҚР Үкіметінің отырысы, 11.08.2020
11 Тамыз 2020, 13:41
2020 жылғы 7 айдың қорытындысы бойынша өнеркәсіп өндірісінің көлемі 1,3%-ға өсті — ҚР ИИДМ
11 Тамыз 2020, 13:12
Қазақстанда коронавирус инфекциясына шалдығудың тәуліктік өсімі орта есеппен 2 есеге жуық азайды — ҚР ДСМ
11 Тамыз 2020, 12:44
2020 жылдың қаңтар-шілдесінде мұнай экспорты 42 млн тоннаны құрады — Энергетика министрлігі
11 Тамыз 2020, 10:35
2020 жылдың 7 айының қорытындысы бойынша ҚР экономикасының базалық салаларында оң динамика сақталуда
11 Тамыз 2020, 10:33
Қазақстанда ауыл шаруашылығының жалпы өнім көлемі 2020 жылдың 7 айының қорытындысы бойынша 2,5%-ға артты
11 Тамыз 2020, 10:13
«7-20-25» бағдарламасы бойынша 20 мыңнан аса өтінім мақұлданды — Ұлттық Банк
11 Тамыз 2020, 09:53
Жергілікті бюджеттердің меншікті кірістері 120%-ға орындалды — Е. Жамаубаев
11 Тамыз 2020, 09:42
ҚР Премьер-Министрі А. Мамин Мемлекеттік комиссияның қарауына Карантин шараларын кезең-кезеңімен алып тастау жоспарын енгізуді тапсырды
11 Тамыз 2020, 09:33
2020 жылдың 7 айының қорытындысы бойынша тауарлар өндірісі 2,1%-ға өсті — ҚР ҰЭМ
10 Тамыз 2020, 11:20
11 тамыз күні Үкімет үйінде Қазақстан Үкіметінің отырысы өтеді
09 Тамыз 2020, 08:59
Видеодайджест: «Аптаның айшықты оқиғалары» №72
08 Тамыз 2020, 16:23
А. Маминнің Ақкөл қаласына жұмыс сапары: «ақылды қалалар» мен ҚР ғарыштық байланыс жүйесін дамыту
07 Тамыз 2020, 18:38
Президент Қасым-Жомарт Тоқаев Қорғаныс министрі Нұрлан Ермекбаевты қабылдады
07 Тамыз 2020, 18:12
Қазақстан Президенті «Самұрық-Қазына» ұлттық әл-ауқат қоры» АҚ басқарма төрағасы Ахметжан Есімовті қабылдады
07 Тамыз 2020, 17:56
Үкіметте кәсіпкерлікті дамыту мәселелері қаралды
07 Тамыз 2020, 11:19
Қазақстандық тауарлар мен қызметтердің сапасы мен бəсекеге қабілеттігін арттыру — Ұлттық сертификаттау жүйесі қалай дамуда
07 Тамыз 2020, 09:22
Ералы Тоғжанов Биологиялық қауіпсіздік жөніндегі кеңес отырысын өткізді
06 Тамыз 2020, 10:46
Қазақстанда 2020 жылдың жарты жылында автомобиль көлігімен шамамен 1,4 млрд тонна жүк тасымалданды
05 Тамыз 2020, 20:13
ВАК-та «Еңбек» және «Жұмыспен қамтудың жол картасы» бағдарламаларын іске асырудың алдын ала қорытындылары қаралды
05 Тамыз 2020, 17:31
Мемлекет басшысы білім және ғылым министрі Асхат Аймағамбетовті қабылдады
05 Тамыз 2020, 17:24
Қазақстан Республикасы Үкіметінің 2020 жылғы 5 тамыздағы №498 Қаулысы
05 Тамыз 2020, 16:54
Қазақстан Республикасы Үкіметінің 2020 жылғы 4 тамыздағы №495 Қаулысы
05 Тамыз 2020, 13:01
ҚР Премьер-Министрі А. Маминге «СҚ-Фармация» COVID-19-бен күресуде дәрі-дәрмектермен қамту шаралары туралы баяндады 
04 Тамыз 2020, 19:52
Ведомствоаралық комиссия Қазақстанның COVID-19-дан егілуге үміткер вакциналар кешеніне қол жеткізу мәселесін қарастырды
04 Тамыз 2020, 11:32
ҚР Үкіметінің отырысы, 04.08.2020
04 Тамыз 2020, 11:22
Оқу жылының басынан бастап 2,6 млн оқушы қашықтан оқыту форматында білім алады — ҚР БҒМ 
04 Тамыз 2020, 10:11
Үкімет жаңа оқу жылының қарсаңында аса мұқтаж отбасылардан шыққан 500 мың оқушыны компьютермен қамтамасыз етеді
04 Тамыз 2020, 10:03
Қазақстанда COVID-19-бен күресуде оң динамика байқалуда
04 Тамыз 2020, 10:02
Қазақстанда COVID-19-бен сырқаттанудың тәуліктің өсімі орта есеппен бір жарым есеге жуық төмендеді
04 Тамыз 2020, 09:56
Қазақстанда 4 422 мектеп 8 Мбит-тан жоғары жылдамдықты интернетпен қамтамасыз етілген
03 Тамыз 2020, 18:03
Президент Қасым-Жомарт Тоқаев Республикалық бюджеттің атқарылуын бақылау жөніндегі есеп комитетінің төрайымы Наталья Годунованы қабылдады
03 Тамыз 2020, 14:20
1 шілдеде Қазақстанда Тұрғын үй құрылыс жинақ банкінің «Жас отбасы» жаңа бағдарламасы іске қосылды
03 Тамыз 2020, 14:10
2021 жылы ТҚЖБ ипотеканы онлайн-режимде беруді жоспарлап отыр
03 Тамыз 2020, 12:52
4 тамыз күні Үкімет үйінде Қазақстан Үкіметінің отырысы өтеді
03 Тамыз 2020, 10:47
Шахмардан Байманов ҚР АҚДМ Жастар және отбасы істері комитетінің төрағасы болып тағайындалды
03 Тамыз 2020, 09:32
Әнуар Жұмаділдаев ҚР Қаржы министрлігінің Қазынашылық комитетінің төрағасы болып тағайындалды
02 Тамыз 2020, 20:14
ҚР Премьер-Министрі Асқар Мамин Жақсылық Үшкемпіровтің жақындарына көңіл айтты
02 Тамыз 2020, 17:23
Видеодайджест: «Аптаның айшықты оқиғалары» №71
31 Шілде 2020, 08:29
ҚР Премьер-Министрі Асқар Мамин қазақстандықтарды Құрбан айт мерекесімен құттықтады
31 Шілде 2020, 08:11
Президент Қасым-Жомарт Тоқаевтың Құрбан айт мерекесімен құттықтауы
30 Шілде 2020, 18:30
Ербол Оспанов ҚР еңбек және халықты әлеуметтік қорғау вице-министрі болып тағайындалды
30 Шілде 2020, 16:04
Аллен Шәйжүнісов «QazExpoCongress» ҰК» АҚ басқарма төрағасы болып тағайындалды
30 Шілде 2020, 13:09
ҚР Премьер-Министрі А. Мамин бизнесті қолдау бойынша қосымша шаралар қабылдауды тапсырды
30 Шілде 2020, 10:33
Егіннің түсімділігін арттыру, фитосанитарлық қауіпсіздік және ғылыми кадрлар даярлау - Қазақстанда аграрлық ғылым қалай дамуда
30 Шілде 2020, 08:58
Р. Склярдың Татарстанға жұмыс сапары: бірлескен өндірістер құру және инвестициялық жобаларды іске асыру
29 Шілде 2020, 20:56
Ведомствоаралық комиссия Мемлекет басшысының тапсырмаларын ерекше бақылауға алды
29 Шілде 2020, 16:57
ШОБ-ты несиелендіруді арттыру, жұмыспен қамту және әлеуметтік төлемдер төлеу — Р. Дәленов экономиканы қолдау шаралары туралы 
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.