09 Наурыз 2021, 19:01
2020 жылы Ақтөбе облысында коронавирус инфекциясы пандемиясы кезеңінде экономикалық көрсеткіштердің күрт төмендеуіне жол берілмеді. Бұл көп жағдайда өңір кәсіпорындарымен нақты жұмыс істеудің, әлеуметтік саладағы проблемалық мәселелерді дер кезінде анықтаудың және оларды шешудің арқасында мүмкін болды. Өткен жылы облыстың қалай дамығаны туралы PrimeMinister.kz шолуынан оқыңыздар.
2020 жылдың 9 айының қорытындысы бойынша жалпы өңірлік өнімнің нақты көлем индексі 98,2% құрады. Бұл ретте қысқа мерзімді экономикалық индикатор 2020 жылғы қаңтар-желтоқсанда 99,8% құрады.
Жалпы, негізгі әлеуметтік-экономикалық көрсеткіштер бойынша оң динамика байқалады. Өнеркәсіптің НКИ – 103% (1 716 млрд теңге), ауыл шаруашылығында – 106,7% (325 млрд теңге), құрылыста 105,9% (204,2 млрд теңге) құрады.
Өңірге 646,8 млрд теңге инвестиция тартылды, бұл 2019 жылдың ұқсас кезеңімен салыстырғанда 6,6%-ға көп.
Облыста 138,3 млрд теңгеге 23 инвестициялық жоба жүзеге асырылды
Ақтөбе облысының өнеркәсіп кәсіпорындарына көрсетілген шаралардың ішінен бірнеше мысалды атап өтуге болады.
Мәселен, хром концентратын жеткізуші «Восход Трейдинг» ЖШС мен «АЗХС» АҚ арасында шикізатты жеткізудің қолайлы бағасына қатысты келісім жасасуға көмек көрсетілді. Нәтижесінде екі кәсіпорын шығаратын өнімнің көлемі артты.
Сондай-ақ, «ТК-Фарм» ЖШС базасында «Грипповир» вирусқа қарсы препаратын шығару туралы меморандумға қол қойылды, Қытайдан шикізат алуға көмек көрсетілді, бұл өнім көлемін 4 есеге арттыруға мүмкіндік берді.
Машина жасау саласында бүкіл республика бойынша медициналық ұйымдармен жергілікті өндіруші «Ақтөберентген» АҚ-нан рентгендік диагностикалық жабдық сатып алу туралы келісімге қол жеткізілді. Нәтижесінде медициналық жабдықтар өндірісінің өсуі 340% құрады, 102 бірлік рентгендік диагностикалық аппараттар өндірілді.
Бұдан басқа, жыл ішінде 1200-ден астам жұмыс орнын құра отырып, 138,3 млрд теңгеге 23 инвестициялық жоба іске асырылды.
Қабылданған шаралардың нәтижесінде жыл ішінде экономикалық өсу қарқынының біртіндеп қалпына келуі байқалды.
Мәселен, егер 2020 жылғы қаңтар-шілде айларының қорытындысы бойынша қысқа мерзімді экономикалық индикатор 94,6% құраса, жыл қорытындысы бойынша 99,8% құрады. Сондай-ақ, жеке тұлғалар мен ШОБ субъектілеріне салық жеңілдіктерін, несиелер бойынша төлемдерді кейінге қалдыруды және т. б. ұсыну түріндегі экономикалық қолдау шараларын атап өткен жөн.
«Бизнестің жол картасы-2025» бағдарламасы аясында 600-ден астам шағын және орта бизнес субъектілерін қолдау үшін 3,1 млрд теңгеге (2019 жылы – 2,4 млрд теңге), оның ішінде ісін жаңа бастаған кәсіпкерлерге жалпы сомасы 140 млн теңгеге 34 өтеусіз грант бөлінді.
«Еңбек» мемлекеттік бағдарламасының екінші бағытын іске асыру аясында 4,7 млрд теңгеге 953 жобаға қолдау көрсетілді.
«Қарапайым заттар экономикасы» шеңберінде 38,9 млрд теңгеге 122 жоба мақұлданды.
Сондай-ақ, 2020 жылы «Бастау-бизнес» бағдарламасы бойынша 1,4 мыңнан астам адам оқытылды, олардың 159-ы несие алды, 847-сі жаңа бизнес-идеяларды іске асыруға грант иегері болды.
Халықты әлеуметтік қолдау
Жыл бойы мұнай-газ, тау-кен металлургиясы және құрылыс секторындағы ірі кәсіпорындардың жұмыс берушілерімен және еңбек ұжымдарымен, сондай-ақ коммуналдық кәсіпорындармен және ауыл шаруашылығы саласындағы кәсіпорындармен түрлі кездесулер, талқылаулар, отырыстар өткізілді.
Мәселен, 2020 жылдың басынан бері облыстың 933 кәсіпорны мен ұйымы өз қызметкерлерінің жалақысын орта есеппен 10%-дан 50%-ға дейін көтерді:
Атаулы әлеуметтік көмек 6 695 отбасында тұратын 33 589 аз қамтылған азаматтарға жалпы сомасы 2 235,1 млн теңгеге тағайындалды.
Атаулы әлеуметтік көмек тағайындаумен қатар, 1 жастан 6 жасқа дейінгі АӘК алушылар қатарындағы 7 505 балаға 409,2 млн теңгеге кепілдендірілген әлеуметтік пакет (азық-түлік жиынтықтары мен гигиеналық құралдар) берілді.
Облыс бойынша тұрғын үй көмегі 696 отбасына 9,9 млн теңге сомасында тағайындалды.
Жергілікті өкілдік және атқарушы органдардың шешімі бойынша қосымша қолдау мақсатында 2 470,3 млн теңге сомасына 76 804 азаматқа түрлі жеңілдіктер, қосымша төлемдер мен өтемақылар берілді.
2020 жылғы 30 наурыз бен 4 қыркүйек аралығында төтенше жағдай кезеңінде 518 326 адам жалпы сомасы 20 039,5 млн теңгеге 21 500 теңге және 42 500 теңге мөлшерінде әлеуметтік төлем алды.
Халықтың 19 санатына (130 407 адам) 3 566,8 млн теңге сомасында әлеуметтік көмек көрсетілді, оның ішінде:
«Біз біргеміз» республикалық акциясы аясында «Nur Otan» партиясы 50 мың теңге көлемінде біржолғы көмек көрсетті. Ақтөбе қаласының 34 329 тұрғыны (аз қамтылған отбасылар; 1,2,3 топтағы мүгедектер; мүгедек балаға күтім жасайтын ата-аналар; 30 000 теңгеге дейінгі ең төменгі зейнетақы алушылар; жетім балалар; ҰОС қатысушылары мен мүгедектері; 100 жастағы қала тұрғындары) 1 716,5 млн теңге сомасына көмек алды.
Бұдан басқа, «Біз біргеміз» акциясын өңірдің жеке кәсіпкерлері қолдады, олар өңір халқының әлеуметтік осал топтарынан шыққан 10 873 отбасына 73,8 млн теңге аударды (азық-түлік, гигиена құралдары, маскалар және ақшалай қайырымдылық).
Бұдан басқа, Ақтөбе қаласы бойынша ТЖ кезінде коммуналдық қызметтерге шығындарды өтеу шеңберінде коммуналдық қызметтерді жеткізушілердің шығындарын өтеу қағидаларында санамаланған санаттарға жататын азаматтардан Ақтөбе облысы әкімдігінің ресми сайты (www.aktobe.gov.kz), Call-орталық және Whatsapp/Telegram мессенджерлері арқылы өтінімдер қабылданды.
Жалпы Ақтөбе қаласы бойынша жалпы сомасы 472,8 млн теңгеге 15 761 өтініш берушіге төлем жүргізілді.
Өнеркәсіптің дамуы
2020 жылдың бірінші жартыжылдығынан бастап өнеркәсіп көлемінің төмендеуі байқалды. Нақты көлем индексі 98,3% құрады. Сондай-ақ, жыл ішінде өнеркәсіп динамикасына әсер ететін түрлі факторлар болды.
Облыста өнеркәсіп өсімі 103% немесе 1 750,5 млрд теңгені құрады.
Тау-кен өндіру саласында НКИ 103,8% немесе жиынтық мәнінде 1 034,6 млрд теңгені құрады. Өсім мырыш концентраттарын – 12,4 мың тоннаға, мыс концентраттарын – 6,3 мың тоннаға, мыс-мырыш кенін – 4,7 мың тоннаға және т.б. өндірудің ұлғаюы есебінен қамтамасыз етілді.
Сонымен қатар, 2020 жылғы сәуір-қазан аралығында облыс өңдеу өнеркәсібінің көрсеткіші бойынша республика бойынша соңғы орындарда (15-17 орын) болды.
Алайда, 2020 жылдың қараша айынан бастап бірқатар іс-шаралар мен өндіріс көлемінің ұлғаюынан кейін дамудың оң қарқынын байқауға болды.
Осылайша, 2020 жылдың қорытындысы бойынша өңдеу өнеркәсібінің НКИ 103,9% немесе 603,6 млрд теңгені құрады (17-ден 5-орын). Өсім ферроқорытпалар – 14,8 мың т., рельс өнімдері – 11,3 мың т., машина жасау-рентген аппараттары – 2 есе, фармацевтика өнімдері өндірісінің ұлғаюы есебінен қамтамасыз етілді.
Сондай-ақ, соңғы 3 жылда өнеркәсіп құрылымындағы өңдеуші сектордың үлесі 29%-дан 34,6%-ға дейін ұлғайды.
Бұл облыстың шикізатқа тәуелділіктен бірте-бірте бас тартып жатқанын растайды.
Ауыл шаруашылығының дамуы
2020 жылдың қорытындысы бойынша ауыл шаруашылығы саласында 324,7 млрд теңгеге өнім өндірілді. Нақты көлем индексі 106,7% құрады.
Ауыл шаруашылығын мемлекеттік қолдау мақсатында республикалық және жергілікті бюджеттерден 19,2 млрд теңге бөлінді. Теңгемен субсидия бөлінді, оның ішінде:
Мал шаруашылығы
Мал шаруашылығы саласын мемлекеттік қолдау ретінде 10,9 млрд теңге бөлінді, соның нәтижесінде ірі қара мал басы 7,7%-ға, ұсақ мал 2,0%-ға, жылқы 23,4%-ға ұлғайды.
Мемлекеттік бағдарламалар аясында 13 443 бас ІҚМ, 23 217 бас қой мен ешкі сатып алынды.
Тірі салмағында ет өндірісі өткен жылмен салыстырғанда 104,7%-ға (157,6 мың теңгеге), сүт — 2,3%-ға (343,7 мың теңгеге) өсті.
Сиыр етінің экспорты 1 124 тоннаны құрады. Бұдан басқа, облыс бойынша 26,0 мың басқа арналған 5 ірі бордақылау алаңы жұмыс істейді. Есепті жылы 4,0 мың басқа арналған 5 бордақылау алаңы іске қосылды.
Өсімдік шаруашылығы
Көктемгі дала және күзгі егін жинау жұмыстары агротехникалық талаптарды сақтай отырып, уақытылы жүргізілді.
Өсімдік шаруашылығы саласын дамытуға 863,1 млн теңге сомасында субсидия төленді.
Қолдау шаралары нәтижесінде 447,8 мың га алқаптан 513,8 мың тонна дәнді дақылдар (өнімділігі 11,5 ц/га), 45,9 мың га алқаптан 35,4 мың тонна майлы дақылдар (өнімділігі 7,7 ц/га) жиналды, сондай-ақ 106,2 мың га алқаптан 513,8 мың тонна жемшөп жиналды.
Мемлекет басшысының тапсырмасына сәйкес республикалық бюджет қаражаты есебінен 10,6 мың га тұрақты суармалы жерге 6 200 млн теңге және 24,8 мың га суармалы жерге 840 млн теңге бөлінді. Суармалы жерлерді қалпына келтіру жұмыстары жүргізілуде.
Салаға 2020 жылы 22,4 млрд теңгеге инвестиция тартылды. Өсім 110,8% құрады.
Есепті кезеңде 1 177 шаруашылыққа 5,7 млрд теңге сомасында инвестициялық субсидия төленді. Өңірді жергілікті өніммен қамтамасыз ету мақсатында 2020-2022 жылдарға 192 млрд теңге сомасына 23 ірі инвестициялық жоба іске асырылуда.
2020 жылы құны 8,9 млрд теңге болатын 6 ірі жоба іске қосылды, олардың ішінде мыналар бар:
Бұл ретте машина-трактор паркі 4,1%-ға жаңартылып, 9,2 млрд теңгені құрады. 929 бірлік техника сатып алынды, оның ішінде 287 түрлі модификациядағы тракторлар, 20 астық жинау комбайндары, 26 астықты қайта өңдеу техникасы, 412 жемшөп дайындау техникасы және басқа да ауыл шаруашылығы техникасы мен агрегаттары сатып алынды.
Облыстың жалпы ауданы 30,1 млн га жер қорын құрайды, 11,4 млн га жер пайдаланушыларға берілді, 12,7 млн га жер мемлекеттік қордағы жер қорында тіркелген.
2020 жылы айналымға 1 125,1 мың га (2019 жылы 771,5 мың га) ауыл шаруашылығы мақсатындағы жер учаскелері, оның ішінде 56,5 мың га егістік енгізілді.
Сондай-ақ, 387,1 мың га (2019 жылы 595,2 мың га) жер учаскесінің, оның ішінде 66,5 мың га егістіктің пайдаланылмайтыны анықталды және шарттарды мерзімінен бұрын тоқтату жолымен мемлекеттің жер қорына қайтарылды.
«Қарапайым заттар экономикасы»
2020 жылдың қорытындысы бойынша 122 жобаны іске асыруға 38,9 млрд теңге сомасына несие мақұлданды (85%-ы АӨК үлесіне келеді).
Қойылған жоспар (104 жоба) 117%-ға орындалды.
«Қарапайым заттар экономикасы» бағдарламасын іске асыру басталғаннан бері 51,7 млрд теңге несие сомасына 205 жоба мақұлданды.
Мақұлданған жобалар кредиттерінің саны мен сомасы бойынша өңірлер бөлінісінде Ақтөбе облысы 4-орында тұр.
Қатысушылардың бірі «РТС Alga» ЖШС болып табылады, оған Forte Bank арқылы 50 млн теңге сомасына несие берілген. Жоба бастамашысы бағдарлама аясында қарыз қаражатын жылжымайтын мүлік — өндірістік цех, әкімшілік ғимарат және көрме залдары құрылысына бағыттады.
Болашағы зор дамып келе жатқан кәсіпорын болып табылатын «Ваниль» кондитерлік дүкендер желісі 500 млн теңге несие сомасына 6% несие мөлшерлемесін төмендету түрінде қолдау алды.
«Электро-Бетон» ЖШС компаниясы темір бетон өнімдерін өндіру бойынша 100 млн теңге сомасына жылдығы 6%-бен несиелендірілді.
«Баймагамбетова З.Х.» ЖК «Білім» мектебінің құрылысы» жобасы бойынша бағдарлама шеңберінде жылдығы 6%-бен 1,8 млрд теңге несие сомасына қолдау алды.
Инвестиция тарту
2020 жылы Ақтөбе облысында 1100-ден астам жұмыс орнын құрумен құны 138,2 млрд теңгеге 23 инвестициялық жоба іске асырылды.
Жалпы өңір бойынша негізгі капиталға тартылған инвестициялардың жалпы сомасы 646,8 млрд теңгені немесе 2019 жылға қарай 106,6% құрады. Негізінен бұл тау-кен өндірісі және өңдеу өнеркәсібі (49%), көлік және қоймалау (21%), жылжымайтын мүлікпен операциялар (17%), ауыл шаруашылығы (3,5%) және т.б. салалардағы инвестициялар болды.
Шағын және орта бизнесті дамыту
Шағын және орта кәсіпкерлікті дамыту мықты экономиканың негізі болып табылады. 2020 жылғы пандемияға қарамастан, бұл салада оң нәтижелерге қол жеткізілді.
Облыста ШОК өнімдер шығару көлемінің өсуі мен ұлғаюының жоғары қарқыны байқалады.
2020 жылғы 9 айда ШОК субъектілерінің өнім шығару көлемі 782,5 млрд теңгені, НКИ 108,4% құрады.
Жұмыс істеп тұрған шағын және орта бизнес субъектілерінің саны 4,5%-ға артып, 61,8 мың бірлікке жетті.
ШОБ саласында жұмыспен қамтылған халықты қамту 5,2%-ға немесе 154,7 мың адамға дейін ұлғайды (2020 жылғы 9 айдағы деректер).
Бизнестің жол картасы-2025
Жыл қорытындысы бойынша облыста 600 ШОБ жобасы мақұлданды. Белгіленген жоспар 72%-ға асыра орындалды (349 жоба). 2019 жылмен салыстырғанда өсім 40% (430 жоба) құрайды.
Өңірлер бойынша Ақтөбе облысы көшбасшылар қатарында.
Сондай-ақ Бизнестің жол картасы бағдарламасына 20 млн теңгеге дейін кепілсіз шағын несие беру бөлігінде өзгерістер енгізілді («Даму» қоры несие сомасының 85%-ына кепілдік береді, қалған 15%-ы сатып алынатын жабдық есебінен қамтамасыз етіледі немесе банктің қалауы бойынша кепіл мүлде сұралмауы мүмкін). Субсидиялау және кепілдік беру туралы шешімді банк «Даму» қорының қатысуынсыз, дербес қабылдайды.
Осылайша кәсіпкерлікті дамыту жолындағы тағы бір әкімшілік кедергі алынып тасталды.
Осы өзгерістер енгізілген сәттен бастап банктер 4,5 млрд теңге несие сомасына 508 жобаны мақұлдады.
Биыл «БЖК 2025» бағдарламасы аясында 4,6 млрд теңге қарастырылған.
Қолжетімді тұрғын үй
Өткен жылдың қорытындысы бойынша Ақтөбе облысында 1040,1 мың м2 тұрғын үй пайдалануға берілді, бұл 2019 жылдың сәйкес кезеңімен салыстырғанда 101,8%-ға сәйкес келеді (7 186 пәтер). Оның ішінде «Бәйтерек Девелопмент» АҚ қайтарымды қарызы есебінен «Отбасы Банк» желісі бойынша 69,8 мың м2 кредиттік тұрғын үй немесе 1 138 пәтер пайдалануға берілді (бұл «Нұр-Ақтөбе» тұрғын алабындағы төрт 9 қабатты және бес 3 қабатты тұрғын үй).
Кезекте тұрғандар үшін жыл басынан бері 10,8 мың м2 жалға берілетін коммуналдық тұрғын үй немесе 161 пәтер пайдалануға берілді (Байғанин, Әйтеке би аудандарындағы 16 пәтерлік жалға берілетін коммуналдық үйлер, Алға ауданында бес қабатты 60 пәтерлік тұрғын үй, Қобда ауданында 64 пәтерлік және Ырғыз ауданында 5 бір пәтерлік үй).
2020 жылғы желтоқсанда «Нұр-Ақтөбе» тұрғын үй алабындағы халықтың көп балалы және әлеуметтік осал топтары үшін (10,6 мың м2) 159 пәтерлік жалға берілетін №10 коммуналдық тұрғын үйдің құрылысы аяқталды.
Коммерциялық құрылыс салушылар 270,0 мың м2 тұрғын үй немесе 2 326 пәтер тапсырды. Нысандардың басым бөлігі Ақтөбе қаласының «Батыс» тұрғын алабы аумағында орналасқан.
Халықтың өз қаражаты есебінен есепті кезеңде 675,7 мың м2 немесе 3 402 үй пайдалануға берілді.
2020 жылдың желтоқсан айының соңындағы жағдай бойынша Ақтөбе облысында «7-20-25» бағдарламасы бойынша 22,9 млрд теңге сомасына 2 634 өтінім қабылданды, 13,1 млрд теңге сомасына 1 494 өтінім мақұлданды.
Республика бойынша облыс Нұр-Сұлтан, Алматы және Шымкент қалаларынан кейін қабылданған және мақұлданған өтінімдер саны бойынша 4-ші орынға ие болды.
2020 жылы «Баспана Хит» бойынша 10,7 млрд теңге сомасына 1 589 өтінім мақұлданды, барлығы 17,3 млрд теңге сомасына 2 711 қарыз қабылданды.
«Нұрлы жер» бағдарламасы бойынша «Отбасы Банк» АҚ Ақтөбе филиалы 2020 жылы 5,9 млрд теңге сомасына 903 өтінім қабылдады, оның ішінде 6 млрд теңге сомасына 897 өтінім мақұлданды.
«Бақытты отбасы» бағдарламасы бойынша 2020 жылғы 1 наурыздан бастап 2,6 млрд теңге сомасына 303 өтінім қабылданды, 2,5 млрд теңге сомасына 293 өтінім мақұлданды.
«5-10-25» («Шаңырақ») бағдарламасы іске қосылғаннан бастап 6 млрд теңге сомасына 530 өтінім қабылданды, 1,8 млрд теңге сомасына 182 өтінім мақұлданды.
Бүгінгі күні облыс бойынша тұрғын үйге мұқтаж азаматтар тізімінде 32 536 азамат тұр (Ақтөбе қаласы бойынша – 25 266).
2020 жылы әкімдікте кезекте тұрғандар қатарынан барлығы 1 212 отбасы тұрғын үймен қамтамасыз етілді, оның ішінде 643 отбасы — кезек тәртібімен, 315 отбасы — «Бақытты отбасы» бағдарламасына қатысу шеңберінде, 225 отбасы — «Шаңырақ» пилоттық жобасын іске асыру шеңберінде және 29 отбасы - «ҚИК» ИҰ» АҚ бағдарламасына қатысу шеңберінде қамтылды.
«Нұрлы жер» мемлекеттік бағдарламасының бұл бағыттары әкімдікте кезекте тұрғандарға тиісінше 2% және 5% сыйақы мөлшерлемесімен және 10% бастапқы жарнамен тиімді шарттармен тұрғын үй сатып алуға мүмкіндік берді.
Биыл кезектілік тәртібімен 891 пәтерді пайдалануға беру және кезекте тұрғандар арасында бөлу жоспарлануда, бұдан басқа «Бақытты отбасы» бағдарламасы шеңберінде 300-ге жуық отбасына жеңілдікпен несие беру үшін транш бөлу күтілуде.
2020 жылдың қорытындысы бойынша облыс бойынша мемлекеттік тұрғын үй қорынан 650 отбасы тұрғын үймен қамтамасыз етілді. Оның ішінде ҰОС ардагерлері – 1, жетім балалар – 77, көп балалы отбасылар – 283, ХӘОТ санаты – 242, бюджет саласының қызметкерлері – 35, тұрғын үйі апатты деп танылған азаматтар – 12.
«Нұрлы жол» бағдарламасының автожол жобалары
Ақтөбе облысында 2018-2020 жылдары «Нұрлы жол» бағдарламасы аясында 32,3 млрд теңге игерілді. Оның ішінде 2018 жылы – 9,3 млрд теңге, 2019 жылы – 11,8 млрд теңге, 2020 жылы – 11,2 млрд теңге. Нәтижесінде 650 км автомобиль жолы жөнделді.
Соңғы 3 жылда «Нұрлы жол» бағдарламасы облыстың жергілікті маңызы бар автомобиль жолдарының жақсы және қанағаттанарлық жағдайдағы үлесін 13%-ға арттырды.
Бағдарламаны іске асыру халықты тұрақты және уақытша жұмыс орындарымен қамтамасыз етті. Коронавирус пандемиясымен байланысты елдегі төтенше жағдайға қарамастан, жолдарды жөндеу жұмыстары үнемі жүргізіліп отырды.
Халықты жұмыспен қамтуды ұлғайту
2020 жылы 23 007 жаңа жұмыс орны құрылды. ТЖ енгізілуіне байланысты шектеу шараларына қарамастан, өңірде «Еңбек» бағдарламасы және «Жұмыспен қамтудың жол картасы» дағдарысқа қарсы бағдарламасы сәтті іске асырылды.
Техникалық және кәсіптік білімі бар кадрларды даярлау үшін 1085 адам оқуға жіберілді.
Қысқа мерзімді кәсіптік оқуға 789 адам жіберілді.
«Бастау Бизнес» жобасы аясында 1 681 адам оқуға жіберілді.
Бизнес идеяларды іске асыруға 745,5 млн теңге сомасына 1 357 грант берілді (200 АЕК-ке дейін немесе 555,6 мың теңгеге дейін).
4637,3 млн теңге сомасына (953 адам), оның ішінде 845 ауыл тұрғыны 3721,2 млн теңгеге, 108 қала тұрғыны 916,1 млн теңге сомасына несие алды.
Тұрақты және уақытша орындарға 48 340 адам жұмысқа орналастырылды, оның ішінде:
Нәтижелі жұмыспен қамту және жаппай кәсіпкерлік
Жоспарлы жұмыстың нәтижесінде жұмыспен қамтуға жәрдемдесу шараларымен 54 248 адам немесе 128,6% қамтылды (жоспар 42 179 адам), бұл пандемия жағдайында өңірде жұмыссыздықтың өсуіне жол бермеуге мүмкіндік берді.
Қысқа мерзімді кәсіптік оқуға 789 адам жіберілді (жоспар 756 адам). Оқуды аяқтаған 768 адамнан 760 адам немесе 99%-ы жұмысқа орналастырылды.
Халықты жұмыспен қамту бойынша қабылданған шаралардың нәтижесінде жалпы жұмыссыздық деңгейі 4,8% құрады, бұл 2019 жылғы деңгейде (ҚР – 4,9%).
«Еңбек» бағдарламасымен 54 248 адам қамтылды (жоспар 42 179 адам).
«Жұмыспен қамтудың жол картасы» аясында 2020 жылы 11 567 жұмыс орнын құрумен 302 инфрақұрылымдық жобаны іске асыру жоспарланған, оның ішінде 5 784, яғни 50%-ы жұмыспен қамту орталықтары арқылы жұмысқа орналастырылды.
Барлығы 12 137 жұмыс орны құрылды, оның ішінде жұмыспен қамту орталықтары арқылы 6 103 адам жұмысқа орналастырылды.
Жобалардағы жұмыстар аяқталғаннан кейін 375 жаңа тұрақты жұмыс орнын құру жоспарланған. Бүгінгі таңда 374 тұрақты жұмыс орны құрылды.
«Жұмыспен қамтудың Жол картасын» табысты іске асырудың арқасында жұмыссыздықтың өсуіне жол берілмеді және ол 4,8% деңгейінде сақталды.
Цифрландыру қорытындысы
Ақтөбе облысы цифрландыру жобаларына белсенді қатысуда. Мәселен, ПИК жұмысын автоматтандыру, электрондық сауда және басқа да өзекті мәселелерді іске асыру бойынша басқа да жобалар белсенді пайдаланылатын жобалар қатарында.
«OPEN AQTOBE» өңірлік мобильді қосымшасының платформасы облыс/аудан/қала тұрғындарына онлайн-сервистерді тегін пайдалануға және смартфонның арқасында үйден шықпай-ақ ең өзекті және қажетті ақпаратты лезде алуға мүмкіндік береді. Қосымшаны жеткізуші — ЖК Smart City.
Қосымшаны пайдаланудан күтілетін нәтиже: халықтың қала мен облыстың дамуы туралы хабардар болу деңгейін арттыру, облыс тұрғындарының цифрлық сауаттылығын дамыту, өзекті ақпаратқа жедел қол жеткізу, халық үшін ақпараттық ағындарды орталықтандыру, мемлекеттік органдар үшін халықпен өзара іс-қимыл жасау құралы.
Берілген функционалдық мүмкіндіктері бар «Жұмыстарды басқару, есепке алу және мониторинг жүйесі» бағдарламалық-аппараттық кешені мердігерлердің нақты орындалған жұмыстарына толық бақылау жүргізуге мүмкіндік береді (қосымша жазбалардың, сапасыз жұмыстың болмауы, мердігерлік ұйымдар қызметкерлерінің орнына әлеуметтік қамсыздандыру желісі бойынша қызметкерлерді пайдалану). Мұнда сапасыз орындалған немесе орындалмаған жұмыстар туралы толық дәлел базасы сақталған. Бұл ТКШ саласындағы ақпаратты сақтаудың, өңдеудің және талдаудың бірыңғай дерекқорының бір түрі (деректерді жойылудан қорғау жүйесімен).
Қосымшаны пайдаланудан күтілетін нәтиже: қосымша жазбаларды және сапасыз орындалған жұмыстарды алып тастау есебінен бюджетті 35%-ға дейін үнемдеу, бұл көшелерді тазалауға бюджет қаражатын қосымша бөлуге әкеп соқтырмайды; көшелерді, балалар және спорт алаңдарын және басқа да әлеуметтік маңызы бар объектілерді тазалау бойынша сапалы орындалған жұмыстар есебінен халықтың әлеуметтік шиеленісін төмендету.
«Электрондық портфолио» бағдарламалық қамтамасыз ету. «Портфолио» білім беру мекемелерін қамтиды, бизнес-процестерді автоматтандырады, мектеп оқытушылары мен балабақша тәрбиешілерін аттестаттауды электрондық форматта жүргізуге мүмкіндік береді.
Пайдаланудан күтілетін нәтижелер: қаражатты үнемдеу, уақытты қысқарту, қағаз құжат айналымын қысқарту және т. б.
«109-Aqtobe» ахуал орталығы. Орталықта коммуналдық қызметтер сервисі, абаттандыру мен қауіпсіздікке жауап беретін қызметтер біріктірілген. Жүйе бірнеше модульден тұрады, оның ішінде тұрғындарға арналған портал, мобильді қосымша, Telegram Bot, қызмет көрсететін операторлар және т.б. бар. 109 платформасы — өтініштерді жылдам өңдеуге мүмкіндік беретін интеллектуалды интерфейсі бар толыққанды жүйе. Ситуациялық орталыққа қала мектептерінен, көп қабатты үйлерден бейнеағын таратылады. Ол Астанада орналасқан іKomek орталығының үлгісі бойынша жасалған.
Әлеуметтік ID картасы. Картада бірқатар мемлекеттік қызметтер біріктірілген: зейнетақы мен жәрдемақы алу, сонымен қатар онымен қоғамдық көлікте жол жүру ақысын төлеуге болады, сауда, медициналық және басқа желілердегі тауарлар мен қызметтерге ақы төлеуге болады. Карталарды берумен «Қазпошта» АҚ айналысады. Ақтөбе әлеуметтік ID карта апробацияланған Қазақстандағы алғашқы қала болды.
Электрондық билеттендіру жүйесі. Пайдаланудан күтілетін нәтиже: қоғамдық көлік индустриясының ашық қызметін қамтамасыз ету (ашық жолаушылар ағыны, тариф белгілеу және салық салу).
«Геопортал» геоақпараттық жүйесі. Жүйе жер қатынастары, сәулет және қала құрылысы саласындағы мемлекеттік қызметтерді онлайн режимінде алуға мүмкіндік береді. Геопорталдың электронды картасында жер сауда-саттығы, бос және перспективалы учаскелер туралы ақпарат, қаланың бас жоспары, егжей-тегжейлі жоспарлау жобалары және т.б. бар. Геопорталдың әзірге мобильді нұсқасы әзірленбеген. Қызметтерді ЭЦҚ көмегімен дербес компьютер арқылы алуға болады.
Облыста сумен және газбен жабдықтау жобалары іске асырылуда
2020 жылы Ақтөбе облысында барлығы 12 сумен жабдықтау жобасы іске асырылды. Өткен жылдың қорытындысы бойынша облыстағы 323 елді мекеннің 199-ы сумен қамтамасыз етілсе, 2021 жылдың қорытындысы бойынша тағы 209-ы қамтамасыз етілетін болады.
Ағымдағы жылы жоспарланған жобалар іске асырылған жағдайда 860 мың халқы бар 13 елді мекен (барлығы 222) сумен қосымша қамтамасыз етілетін болады. Осылайша, елді мекендерді сумен қамтамасыз ету көрсеткіші 61,6%-дан 68,7%-ға дейін артады.
2020 жылы жалпы құны 3,4 млрд теңге болатын газбен жабдықтау жобалары іске асырылды, олар 10,1 мың халқы бар 13 ауылдың тұрғындарына газға қол жеткізуге мүмкіндік берді.
2021 жылғы 1 қаңтардағы жағдай бойынша облыстағы 323 елді мекеннің 126-сы газбен қамтылса, 2021 жылдың қорытындысы бойынша тағы 134-і газбен қамтылады.
Жоспарланған жобаларды іске асыру жағдайында болашақта 860 мың адам халқы бар 16 елді мекен (барлығы 150 ЕМ) газбен қосымша қамтамасыз етілетін болады, осылайша қамтамасыз етілу көрсеткіші 39%-дан 46,5%-ға дейін ұлғаяды.
Сондай-ақ, 2020 жылы «Жұмыспен қамтудың Жол картасы» бағдарламасы аясында ішкі қарыздар есебінен инженерлік инфрақұрылымды салу, реконструкциялау және жөндеу бойынша 42 жобаны іске асыруға 7,4 млрд теңге бөлінді, оның ішінде Ақтөбе қаласының жылу желілерін реконструкциялау және жөндеу бойынша 1,1 млрд теңге сомасына 4 жоба іске асырылды.
Ақтөбе облысында халыққа 42 аурухана қызмет көрсетеді
Ақтөбе облысы бойынша статистика департаментінің деректері бойынша 2020 жылғы 1 желтоқсанға өңірде 887 074 адам тұрады (оның ішінде 603 039 – ересектер, 252 869 – балалар, 31 166 – жасөспірімдер, оның ішінде бала туу жасындағы әйелдер – 219 044).
Облыс тұрғындарына ДА, ФАП, МП және жеке дәрігерлік кабинеттерді ескере отырып, 42 аурухана (24 мемлекеттік, 2 ведомстволық, 16 жеке меншік) және 438 АЕК (309 мемлекеттік, 10 ведомстволық, 119 жекеменшік), медициналық көмек көрсетеді.
Облыстың медициналық ұйымдарында 4 122 (мемлекеттік 3037) дәрігер және 8102 (мемлекеттік 6290) орта медициналық қызметкер жұмыс істейді, бұл тиісінше 10 мың тұрғынға шаққанда 46,6 (33,8) және 91,6 (70,9) кадрлармен қамтамасыз етуді құрайды. Салыстыру үшін, 2019 жылдың ұқсас кезеңінде 10 мың тұрғынға шаққанда 46,4 (33,5) және ОМҚ 93,9 (70,5) болды (мемлекеттік медициналық ұйымдарда дәрігерлермен қамтамасыз ету 0,8%-ға және ОМҚ-мен қамтамасыз ету 0,5%-ға өсті).
Облыста барлығы 4 312 төсек-орынға шақталған ауруханалар жұмыс істейді, оның ішінде 3 447 төсек-орындық мемлекеттік ауруханалар бар.
Өңірде медициналық мекемелердің құрылысы, қайта құру және жөндеу жұмыстары жалғасуда.
Ақтөбе облысының 2020 жылғы денсаулық сақтау саласының бюджеті 80 034,7 млн теңгені құрады, оның ішінде:
Медициналық денсаулық сақтау ұйымдарының күрделі шығыстары 2020 жылы 5 607,1 млн теңгені, оның ішінде медициналық жабдықтар сатып алуға – 4 592,1 млн теңгені және денсаулық сақтау объектілерін күрделі жөндеуге 1 015,0 млн теңгені құрады.
«Жұмыспен қамтудың жол картасы» аясында 795,5 млн теңге сомасына 19 жоба іске асырылды, оның ішінде 19 жобаны күрделі жөндеуге 727,5 млн теңге және 2 жобаны ағымдағы жөндеуге 67,9 млн теңге бағытталды.
«Ауыл - Ел бесігі» бағдарламасы бойынша 168,8 млн теңгеге 1 жоба жүзеге асырылды.
Облыстық бюджет арқылы 66,7 млн теңгеге 13 жоба іске асырылды.
19 денсаулық сақтау нысанының құрылысына 2020 жылы бюджет 7 467,7 млн теңгені құрады, оның ішінде республикалық бюджет арқылы 5 277,1 млн теңге сомасына 9 жоба , оның ішінде Жұмыспен қамту жол картасы арқылы 4 047,1 млн теңгеге, жергілікті бюджет арқылы 2 711,3 млн теңгеге іске асырылды.
Оның ішінде кешеннің қосалқы үй-жайларымен бір ауысымда 150 адамды қабылдайтын консультациялық-диагностикалық бөлімшесі бар 200 төсек-орындық облыстық перинаталдық орталық құрылысы бар.
Жұмыспен қамтудың жол картасы шеңберінде:
Жергілікті бюджет арқылы 11 жоба, оның ішінде ЖСҚ әзірлеуге 2 711,3 млн теңгеге 6 жоба іске асырылды:
КВИ қарсы күресуге медициналық ұйымдардың дайындығы
Ақтөбе облысы бойынша ағымдағы эпидемиологиялық жағдай тұрақты. Коронавирус инфекциясының пайда болуына және таралуына жол бермеу мақсатында Ақтөбе облысы бойынша барлығы 15 инфекциялық стационар, 5 резервтік стационар, 21 алғашқы медициналық-санитарлық көмек ұйымы COVID-19 вирусын жұқтырған пациенттерге медициналық көмек көрсетеді.
Коронавирус инфекциясының ықтимал толқынына дайындық үшін облыста КВИ және оған күдікті пациенттерді емдеу үшін 3 603 төсек-орын қарастырылған, оның ішінде аудандарда 894 төсек-орын бар.
Реанимациялық төсектердің жалпы саны – 401.
Облыс бойынша 3 603 төсек-орынның 2 060-сы оттегімен қамтамасыз етілген.
5 стационарда орталықтандырылған оттегі жеткізу жүйесі орнатылған. Сондай-ақ, облыста 367 ӨЖЖ аппараты бар. 582 оттегі концентраторы, 714 оттегі баллоны, 787 Бобров аппараты және 461 оттегі жастығы бар.
Инфекциялық стационарларда дәрілік заттардың 2 айлық қоры бар.
Облыста барлығы 3 карантиндік стационар орналастырылған: біреуі Ақтөбе қаласында және Ресеймен шекаралас аудандарда (Мартөк және Қарғалы аудандарында) 2 стационар.
Ақтөбе облысында коронавирус инфекциясын анықтау бойынша 6 зертхана («Ұлттық сараптама орталығы» РМК Ақтөбе филиалы, «Олимп», «Зере Медикалс», «Инвиво», «Ақтөбе фтизиопульмонологиялық орталығы», «Әйгерім» клиникасы) және жұмылдыру есебінен 2 қосымша зертхана жұмыс істейді. Зертхананың қуаттылығы тәулігіне 3 846 талдау жүргізуге мүмкіндік береді.
БМСК қызметін 36 ұйым көрсетеді (оның ішінде 11 (31,4%) жеке БМСК).
Қазіргі уақытта МСАК ұйымдарында КВИ-ны жоққа шығармайтын респираторлық ауру белгілері бар пациенттерге медициналық көмек көрсету үшін 173 мобильді бригада ұйымдастырылды.
Бір тәулік ішінде мобильді бригада шамамен 137 қоңырауға қызмет көрсетеді. Респираторлық аурулары бар пациенттерге шақыру кезінде COVID-19 ПТР-тестіне жағынды алу, пациентті тексеру, сатурацияны өлшеу, дәрілік препараттарды жеткізу, көрсетілімдер бойынша шағын бейінді мамандардың қашықтан консультациясы жүргізіледі. Пациент үйде қалдырылған жағдайда амбулаториялық емдеу бойынша ұсынымдар беріледі.
Инфекциялық стационарларда дәрі-дәрмекпен қамтамасыз ету мәселесіне қатысты дәрілік заттардың 2 айлық қоры бар. Ақтөбе облысы бойынша ҚР ДСМ МФҚД деректері бойынша ҚР ДСМ формулярлық комиссиясы ұсынған 33 препараттың 33 – і Ақтөбе қаласында және 31-і облыс аудандарында қолжетімді.
Тізімде антикоагулянттардан «Гепарина» және «Эноксапарина» қалдықтары жеткілікті. Антикоагулянттар тобынан «Надропарин» препаратының көтерме және бөлшек сауда нүктелерінде болмауын ескере отырып, «Гепарин» және «Эноксапарин» препараттарының қалдықтары жеткілікті мөлшерде бар.
Ақтөбе облысында үш ауысымдық мектептер мәселесі қарқынды шешілуде
Білім беру саласындағы барлық жоспарлы көрсеткіштер бойынша оң динамика байқалады.
1 жастан 6 жасқа дейінгі балаларды мектепке дейінгі оқытумен және тәрбиемен қамту 86,3% (жоспар – 85,1%), 3 жастан 6 жасқа дейінгі балаларды қамту 100% (жоспар – 100%) құрайды.
Мемлекеттік білім беру тапсырысы бойынша ТжКБ бітіргеннен кейінгі бірінші жылы жұмысқа орналасқан түлектердің үлесі 64,5% құрады (жоспар – 63,6%).
Облыс педагогтарының 53,9%-ы ұлттық біліктілік тест тапсырып, жалақысына үстемақы алады (жоспар – 48%).
4 аула клубы ашылды (Алға, Әйтеке би, Ырғыз, Қарғалы аудандарында). Облыстың 45 қосымша білім беру ұйымдарында 110 189 (68,2%) оқушы қамтылған (жоспар – 62%).
Спорт секцияларындағы сабақтармен 55 807 (34,6%) оқушы қамтылған (жоспар – 34%).
Қазіргі уақытта облыста 911 жетім балалар және ата-анасының қамқорлығынсыз қалған балалар тәрбиеленуде, оның ішінде 86 бала жетім балалар мен ата-анасының қамқорлығынсыз қалған балаларға арналған ұйымдарда тәрбиеленуде. Балалар үйлері тәрбиеленушілерінің үлесі 9,4% құрайды (жоспар – 9,4%).
117 (45,1%) балабақшада ерекше білім алу қажеттілігі бар балаларды тәрбиелеу және оқыту үшін жағдай жасалған, 303 (75,1%) мектепте инклюзивті білім беру үшін жағдай жасалған.
11 (30,5%) балабақшада (жоспар – 44,6%) және 303 (75,1%) жалпы білім беретін мектепте (жоспар – 74,8%) инклюзивті білім алу үшін жағдай жасалған.
Барлық оқу орындары 100% бейнекамералармен жабдықталған (жоспар – 100%).
5 мектеп (Ырғыз гимназиясы, Ақтөбе қаласындағы №74 мектеп, «Нұр-Ақтөбе» тұрғын алабындағы мектеп, Байғанин ауданының Бұлақтыкөл негізгі мектебі, Темір ауданының Шұбарқұдық ауылындағы мектеп) пайдалануға берілді. Үш ауысымды мектептер саны 2 бірлікке қысқарады.
Жалпы сомасы 763 млн теңгеге 87 пән кабинеті сатып алынды.
Техникалық және технологиялық бейіндегі екі колледжде WorldSkills стандарттарын ескере отырып, демонстрациялық емтихандар өткізілді.
Дуальді оқытумен колледж студенттерінің 15,7% қамтылған (жоспар – 15,7%).
Ақтөбе облысында барлығы 9 үш ауысымды мектеп тіркелген: Қарғалы ауданында – 1 (№1 Бадамша ОМ), Темір ауданында – 1 (Шұбарши а. Шұбарши ОМ), Шалқар ауданында – 1 (Шалқар қ. №5 ШЛ), Ақтөбе қаласы бойынша – 6 (№12, №53, №60, №63, №64, №68 ОМ).
Облыс бойынша 40 мектепте оқушы орындарының тапшылығы 10 300 орынды , оның ішінде Ақтөбе қаласы бойынша 23 мектепте 7 500-ден астам орынды құрады.
Ақтөбе облысы үшін үш ауысымдық мектеп және орын тапшылығы мәселесін шешу мақсатында жалпы сипаттағы трансфертпен 10 мектептің құрылысына 9,5 млрд теңге (2020 жылы – 3,9 млрд теңге, 2021 жылы – 2,7 млрд теңге, 2022 жылы – 2,9 млрд теңге) қарастырылды.
Сондай-ақ, «Жұмыспен қамту жол картасы 2020-2021 жж.» мемлекеттік бағдарламасын іске асыру шеңберінде 2020 жылы мектептердің негізгі ғимараттарына 4 жапсарлас құрылыс салуға 1,6 млрд теңге бөлінді ( Ақтөбе қаласындағы №13, №23, №53, №68 мектептер).
Сонымен қатар ш.а. Ақтөбе қаласындағы «Батыс-2» шағын ауданында жеке инвестициялар есебінен 1200 орындық мектептің құрылысы жүргізілуде.
2021 жылға 15 мектептің құрылысына 4,4 млрд теңге қарастырылған. Ауылдық жерлерде 4 мектептің құрылысын бастауға қосымша 0,5 млрд теңге бөлу жоспарланған.
Компьютерлік техникамен қамтамасыз ету
Жасалған есепке сәйкес 24 605 дана компьютерлік техника сатып алу қарастырылған. ҚР Үкіметінің резервінен 2,9 млрд теңге сомасына 19 146 бірлік техника сатып алу жоспарланған болатын (аз қамтылған отбасылардан шыққан 13 151 балаға, жетім және ата-анасының қамқорлығынсыз қалған 623 балаға, ерекше білім алу қажеттілігі бар 3 350 балаға және мұқтаж 2 022 балаға). Жергілікті бюджеттен 1,1 млрд теңгеге 5 459 ноутбук сатып алу жоспарланған.
Қазіргі уақытта жоспарланған компьютерлік техника жеткізіліп, оған мұқтаж оқушыларға берілді. Жоспар 100% орындалды.
Компьютерлік құрылғыларды қабылдаудың ашықтығын «Aqtobe-adaldyqalańy» жобалық кеңсесінің, Ақтөбе облысының білім беру саласындағы сапаны қамтамасыз ету департаментінің өкілдері мен қоғамдық және қамқоршылық кеңестердің мүшелерінен тұратын арнайы жұмыс тобы қамтамасыз етті.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу
